Berdewambûna dorpêçê li ser Kobanê jiyana 600 hezar sivîl xistiye metirsiyê

PUKMEDIA

Kobanê

Ev ket 20 rojan ku bajarê Kobanê di bin dorpêçeke dijwar de ye ji aliyê hikûmeta demkî ya Sûriyê ve, di heman demê de jiyana 600 hezar welatiyên sivîl û koçber di rewşeke mirovî ya dijear de ne, bû kêmbûna av, derman, kerebe, înternêtê de rûbirû mane li gor rêkeftina ku di navbera herdu aliyan de hatiye îmzekirin de ji bo rakirina dorpêçê.

Niştecihên bajêr di rewşên mirovî yên dijwar de dijîn, ji kêmbûna giran a derman, pêdiviyên bijîşkî û pêdiviyên bingehîn dikişînin. Ev yek bi kêmbûna sotemeniya germkirinê re bi zivistanê re û qutbûna tevahî ya elektrîkê û xizmetên înternetê re jî dijwartir dibe, ku êşa nifûsê girantir dike û xebata xizmetên bingehîn û alîkariya mirovî asteng dike.

Li gel peymana ku di 29ê Çile de di navbera Hêzên Sûriyeya Demokrat û hikûmeta demkî de hatiye îmzekirin, ku bi eşkere rakirina dorpêça li ser Kobanê destnîşan kiriye, dorpêç heta roja îro jî berdewam dike, bêyî ku xalên peymanê bi rastî werin bicîhanîn. Di vê çarçoveyê de, rêveberiya Kobanî di 7ê Sibatê de daxuyaniyek weşand û diyar kir ku "li ser bingeha vexwendina ku ji hêla rêveberiya xweser a Kobanê ve hatiye wergirtin, şandeyek ji rêveberî û rûspiyên bajêr di 5ê Sibatê de çûn bajarê Helebê, li wir bi cîgirê parêzgarê Helebê û fermandarê hêzên ewlehiya navxweyî yên parêzgehê re hevdîtinek pêk anîn.
Di civînê de çend mijarên girîng hatine gotûbêj kirin, di serî de gavên pratîkî yên li navçeya Şêx hatine bicîhkirin û prosedurên ku li navçeya Celebiyê werin avêtin da ku vegera niştecihên koçber bo gundên wan misoger bikin. Di civînê de her wiha mijarên têkildarî xizmetguzariyê, bi taybetî qutbûna av, elektrîk û înternetê, hatin gotûbêj kirin.

Rêveberiya Kobanê di daxuyaniya xwe de tekez kir ku "heta niha, ji aliyê hikûmetê ve ti gavên berbiçav nehatine avêtin, nemaze di derbarê vekişîna hêzên leşkerî ji navçeya Celebiyê û rakirina dorpêça li ser bajarê Kobaniyê de, tevî sozên ku nûnerên hikûmetê di dema civînê de dane.
Niştecih û rêveberiya Kobaniyê hişyariyê didin li ser berdewamiya dorpêçê û encamên wê yên mirovî yên cidî, û daxwaza pabendbûna bi peymanên îmzekirî, rakirina dorpêçê tavilê û dabînkirina pêdiviyên bingehîn ji niştecihên bajêr bê şert û merc dikin.

PUKMEDIA