Amerîka daxwaz ji Sûriyê dike li hemberî Kurdan nermtir be

Medya

Civîna Mezlûm Ebdî û Wezîrê Derve yê Sûriyê digel Wezîra Derve ya Amerîka

Amerîka kêfxweşiya xwe li hemberî pêngavên li hemberî peymana agirbestê û têkelkirina Hêzên Sûriye Demokratîk (HSD) di nav hikûmeta Sûriyê de nîşan da û daxwaz ji rayedarên Sûriyê kir ku li hember daxwazên Kurdan nermtir bin.

Li gorî rapora Ajansa  Reutersê, Washingtonê daxwaz ji serokê demkî yê Sûriyê kir ku bi qasî ku pêkan e nerm" be li hember daxwazên HSDê.

Şîreta Amerîka bo Şamê ew e ku ji siyaseteke tund dûr bisekine daku niyeta baş nîşan bide.

Li gorî Washingtonê dayîna curek ji şêweyên "xwerêveberiyê" ji Kurdan re guncaw e, bi mercê ku ev yek desthilatdariya Şamê nexe bin gefê.

Li gorî rêkeftinê, hêzên HSDê dê di sê lîwayan de di bin Wezareta Parastinê de werin bicihkirin û hêzên ewlehiyê yên hikûmetê dê ber bi bajarên Qamîşlo û Hesekê ve biçin, tevî van pêşketinan jî, hîna jî astengî hene li pêşiya pêkanîna tevahî ya rêkeftinê, nemaze di warê bicihkirina lîwayan û mijara çekên giran de.

Rêvberiya Washingtonê hêvî dike ku nermbûna Şamê dê bibe destpêka aştiyeke demdirêj li Sûriye ya piştî rêjîma Beşar Esed, Serokê berê yê wî welatî.

PUKMEDIA