Heftdeh kamyonên alîkariyê ketin Kobanê

PUKMEDIA

Kobanê

Karwaneke alîkariya mirovî ya ji 17 kamyonan pêk tê ku pêdiviyên alîkariyê, alavên bijîşkî û şêrê zarokan  hildigirt, piştî hewldanên dijwar ên Komeleya Mezopotamyayê ji bo misogerkirina gihandina alîkariyê ji niştecihên di bin dorpêça berdewam de, ket bajarê Kobanê.

Komeleya Mezopotamyayê îro serê sibê, piştî hewldanên dijwar bi rayedarên pêwendîdar ên Rojava û Hikûmeta Demkî ya Sûriyeyê re, karwaneke alîkariyê kete bajarê Kobanê.

Cemîla Hemî, rêvebeeke li Komeleya Mezopotamyayê piştrast kir ku komeleyê hemî çavkaniyên xwe ji bo misogerkirina gihîştina alîkariyê bo bajêr terxan kiriye. Wê destnîşan kir ku ev alîkarî ji hêla Kenala 8 ve, ku li bajarê Silêmaniyê li başûrê Kurdistanê dixebite hatiye şandin, û radestkirina wê piştî hewldanên domdar û şopandinê pêk hat ku demekê berdewam kir heya ku di dawiyê de vê sibê gihîşt.

Karwana alîkariyê ji 17 kamyonan pêk tê ku bi qasî 450 ton pêdiviyên alîkarî û bijîşkî, û zaroka û pêdewîstiyên rojane di nav de ne, da ku giraniya krîza mirovî ya ku bajêr dorpêç dike sivik bikin. Karwan dê radestî rayedarên pêwendîdar ên rêveberiya Kobaniyê were kirin da ku li gorî hewcedariyên niştecihan li wir were belavkirin.

Kobanê ji 20ê Çile ve di bin dorpêçeke dijwar de ye ku ji aliyê komên girêdayî hikûmeta demkî ve hatiye ferzkirin, ku ev yek bûye sedema xirabûneke girîng di şert û mercên jiyanê de di nav kêmbûna giran a alîkarî, derman û pêdiviyên xwarinê de.Amaje bi wê jî hat kirin ku dorpêç her berdewam dike.


PUKMEDIA