Serokê YNK li Bexdayê çend hevdîtinên girîng encam da

Kurdistan 12:09 PM - 2026-02-22

Serok Bafil Celal Talebanî

Bafil Celal Talebanî, Serokê Yekîtiya Niştimanî ya Kurdistanê (YNK) roja Yekşemê 22ê Şibata 2025an gihîşt Bexdayê û li wir rêze hevdîtin bi rêberên siyasî yên Îraqî re hatin encamdan.

Di van hevdîtinan de, girîngiya lidarxistina civîna parlementoyê ji bo hilbijartina serok komar tekez kir û daxwaza zêdekirina hewildanan, baştirkirina hevrêziyê û xurtkirina hevkariyê hat kirin da ku hikûmetek bihêz û bibandor ava bibe ku bikaribe pêdiviyên gelê Îraqê bicîh bîne û aramiya neteweyî biparêze.

Serok Bafil:YNK kar ji bo xizmeta gelê me yê xweşewîst dike

Serokê Yekîtiya Niştimaniya Kurdistanê (YNK) Bafil Celal Talebanî li Bexdayê pêşwazî li Serokê Tevgera Hîkme Seyîd Emmar Hekîm kir.

Di civînê de ku Dr. beşdar bû, rewşa siyasî ya herêmê û pêkanîna hikûmeta nû ya Îraqê bi amadebûna Wezîrê Dadê yê Îraqê Xalid Şuwanî hatin gotûbêjkirin.

Serok Bafil girîngiya diyaloga niştimanî ya berdewam di navbera aliyan de tekez kir û ragihand ku YNKê ji bo xurtkirina giyanê pêkvejiyanê û xizmetkirina gelê me yê xweşewîst kar dike.

Bafil Celal Talebanî amadebûna Yekîtiya Niştimaniya Kurdistanê ji bo civîna Civata Nûneran ya ji bo Hilbijartina Serokkomar û temamkirina rêkarên destûrî tekez kir.

Serok Bafil û Sûdanî: Bidestxistina mafên destûrî di danîna berjewendiyên neteweyî yên bilindtir de

Serokwezîrê Îraqê Mihemed Şeyah Sûdanî li Bexdayê bi Serokê Yekîtiya Niştimanî ya Kurdistanê (YNK) Bafil Celal Talebanî re civiya.

Di civînê de ku Dr. Wezîrê Dadê yê Îraqê Xalid Şuwanî amade bû, tekezî li ser girîngiya xurtkirina hewldanan, hevrêzkirin û xebata hevbeş ji bo avakirina hikûmetek bihêz û xizmetguzar kir.

Civînê tekezî li ser pêwîstiya hevkariyê û berdewamiya diyaloga nîştimanî û yekgirtina nêrînan ji bo pêkanîna mafên destûrî di çarçoveya parastina berjewendiyên neteweyî yên bilind de kir.

Serok Bafil û Hadî Amirî: Astengiyên li pêş hilbijartina serokkomar derbas dikin

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê bi serokê Hevpeymaniya Fetih Hadî Amirî re civiya.

Di civînê de, Wezîrê Dadê yê Îraqê Dr. Xalid Şuwanî jî amade bû, hewlên ji bo pêkanînan hikûmeta nû ya Îraqê hatin gotûbêj kirin.

Di civînêde  girîng dît ku civîna Civata Nûneran ji bo hilbijartina serokkomar û zêdekirina hewldanên ji bo derbaskirina pirsgirêk û astengiyan were lidarxistin.

Serok Bafil û Xezalî: Divê hewl ji bo hilbijartina serokomar û avakirina hikûmetê werin zêdekirin

Bafil Celal Talebanî, serokê Yekîtiya Niştimanî ya Kurdistanê (YNK), li Bexdayê bi Qeys Xezelî, sekreterê giştî yê tevgera Asayb Ehlê Heq re civiya.

Di civînê de, ku Wezîrê Dadê yê Îraqê Dr.Xalid Şiwanî jî beşdar bû, pêşketinên dawî yên di derbarê avakirina hikûmeta nû ya Îraqê de hatin gotûbêj kirin.

Herdu aliyan girîngiya zêdekirina hewldanên ji bo hilbijartina serokkomar û avakirina hikûmetê tekez kirin.


PUKMEDIA