Parêzgarê Kerkûkê: Em ê kêşeya taxa Newroz bi rêyên yasayî çareser bikin

PUKMEDIA

Rêbwar Taha parêzgarê Kerkûkê

Bi mebesta şopandina alozî û pirsgirêkên taxa Newroz a Kerkûkê, parêzgarê Kerkûkê çû nav taxê û ragihand: Em hewl didin kêşeyan çareser bikin.

Berî demekê, Dr. Rêbwar Teha parêzgarê Kerkûkê ji bo şopandin û çareserkirina pirsgirêkan gihîşt taxa Newroz û ji bo medyayê axivî: Ev xanî ev çend sal in kêşeya wan heye û xaniyên dewletê ne, di serdema rêveberiya berê ya Kerkûkê de, pênc ji van xaniyan ji xwediyên wan hatibûn valakirin, lê di çend rojên borî de du malbat ketine nav du xaniyan û ev bûye sedema wan girjiyên ku rû dane.

Her wiha ragihand: Tiştê ku qewimiye, helwesta çend efserên Îraqî ye ku van xaniyan wek milkê xwe dibînin, lê divê ev kêşe bi rêya yasayî bê çareserkirin.

Got jî: Niha divê xwedîmal vegerin cihên xwe û piştre her çareseriyeke yasayî hebe, em wek rêveberiya Kerkûkê dê pêk bînin .


PUKMEDIA