YNK hewl dide pirsgirêkên niştecihên taxa Newrozê çareser bike

Kurdistan 01:37 PM - 2026-02-22

Kerkûk

Nûnerên Yekîtiya Niştimanî ya Kurdistanê (YNK) li ser asteke bilind de, ji bo çareserkirina pirsgirêka malbatên Kurd ên li taxa Newroz a Kerkûkê li ser xetê ne û radigihînin: Raftara artêşa Îraqê nayeasayî ye û em nahêlin li Kerkûkê neheqî li Kurdan bê kirin û em serdegirtina ser malên Kurdan qebûl nakin. Parêzgarê bajêr jî dibêje: Tiştê qewimî tenê helwesta çend efserên artêşê bû, lewma em ê bi rêya yasayî vê pirsgirêkê çareser bikin.

Îro 22ê Şibata 2026an, Rêbwar Teha Parêzgarê Kerkûkê bi armanca şopandin û çareserkirina pirsgirêkan gihîşt taxa Newroz a Kerkûkê û ragihand: Ev xanî bi salan e pirsgirêka wan heye û xaniyên dewletê ne. Tiştê qewimî helwesta çend efserên IÎaqî ye ku van xaniyan wekî milkê xwe dibînin. Pêwîste bi rêya yasayî çareserî ji vê pirsgirêkê re bê dîtin, lewma divê niha xwediyê malan vegerin cihên xwe û paşê wekî îdareya Kerkûkê em ê her çareseriyeke yasayî hebe pêk bînin û rênimayên pêwîst bigirin ber dest."

Nûnerê Yekîtî: Em nahêlin li Kerkûkê neheqî li Kurdan bê kirin

Bireko Şehîd Şêrko Fatih Şiwanî, endamê Encumena Nûnerên Îraqê ji fraksiyona Yekîtî, ji malpera fermî ya Yekîtiya Niştimanî (PUKMEDIA) re ragihand: Em êrîşa ser çend malên Kurdan li taxa Newroz a Kerkûkê şermezar dikin, ji ber ku artêşa Îraqê bi bê agahdarkirin bi şev çûnr û daxwaza valakirina malan ji wan kiriye.

Got jî: Raste xwediyên van xaniyan ku hejmara wan di navbera 10 heta 25 malan de ye, çend caran hatine agahdarkirin ku zeviyên wan li ser navê Wezareta Parastinê ne, lê piştî pêvajoya azadiyê kirîn û firotin bi van zeviyan re hatiye kirin ku divyebû ev pirsgirêk di çarçoveya qanûnê de bihata çareserkirin.

Amaje bi wê yekê jî kir: Niha hinek ji wan hêzan vekişiyane û em li ser xetê ne ji bo çareserkirina pirsgirêkê û em nahêlin li Kerkûkê neheqî li Kurdan bê kirin.

Reftara artêşê neyasayî ye

Reftarê artêşa Îraqê li hemberî malbatên Kurd wek neyasayî tê dîtin û Yekîtiya Niştimanî ya Kurdistanê (YNK) jî ji bo çareserkirina vê pirsgirêkê di nav hewildanan de ye.

Hevdem Dîlan Xafûr, endama Encumena Nûneran a Îraqê ji fireksiyona YNKê, ji malpera fermî  (PUKMEDIA) re ragihand: Em bi tundî êrişa artêşa Îraqê ya li ser malbatên taxa Newroz şermezar dikin, ev reftarê artêşê li dijî malbatên Kurd neyasayî ye û em wê red dikin.

Her wiha diyar kir ku ew bi berpirsên bilind re di peywendiyê de ne ji bo çareserkirina pirsgirêkê û bang li Serokwezîrê Îraqê Mihemed Şeya Sûdanî kir ku bi lezgînî destwerdanê bike da ku dawî li binpêkirinên artêşê bîne û rewşa taxê asayî bike.


PUKMEDIA 

PUKMEDIA