Serok BafIl ji Mezlûm Ebdî re: Emê di piştgirîkirina Rojavayê Kurdistanê de berdewam bin

PUKMEDIA

Serok Bafil û Mezlûm Ebdî

Bafil Celal Talebanî Serokê Yekîtiya Niştimanî ya Kurdistanê li Debaşan pêşwazî li Jeneral Mazlûm Ebdî, Fermandarê Giştî yê Hêzên Sûriyeya Demokratîk (HSD) kir.

Di civînê de ku Qubad Talebanî, endamê Mekteba Siyasî ya Yekîtiyê amade bû, rewşa Sûriye û Rojavayê Kurdistanê hat nirxandin.
Jeneral Mezlûm Ebdî behsa beşdarbûna xwe ya di Konferansa Ewlekariya Munîhê de kir û guhertinên herî dawî yên rewşa Sûriyeyê gotûbêj kir.
Fermandarê Giştî yê HSDê spasiya Yekîtiya Niştimanî ya Kurdistanê kir ji bo helwest û piştgiriya wan di rûbirûbûna terorê de.
Serok Bafil ragihand ku ewê di piştgirîkirina Rojavayê Kurdistanê de berdewam bin, heta ku piştrast bibin ku Sûriye bibe welatek ku tê de maf û nûneratiya her kesî hebe û hikûmeta wê jî nîşandera pirrengiya civaka Sûriyeyê be.

PUKMEDIA