Hişyariyek Navdewletî derbarê çarenivîsa nediyar a bi hezaran girtiyan li kampên Sûriyê

PUKMEDIA

Human Rights Watch

Rêxistina Çavdêriya Mafên Mirovan hişyarî da ku çarenivîsa nêzîkî 8500 girtiyên ku guman tê kirin  endamê rêxistina DAIŞê ne ne diyare, bi taybet piştî girtina kampa El-Hol û ragihandina girtina nêzîk a kampa Roj li bakur-rojhilatê Sûriyê. Rêxistinê banga xwe ya ji bo vegerandina welatiyên biyanî bo welatên wan û garantiya parastina wan dubare kir.

Rêxistinê aşkire kir ku "kampên El-Hol û Roj heta nîvê Çile nêzîkî 28,000 kes digirtin, di nav wan de zêdetirî 12,000 biyanî ji zêdetirî 60 welatan, ji bilî bi hezaran Îraqî hebûn.
Adam Kogle, cîgirê rêveberê Rojhilata Navîn li Rêxistina Çavdêriya Mafên Mirovan got, Bi salane ku hikûmetan digotin ji ber ku aliyê ku serpereştiya girtîgehan dikin ne fermî ne ew nikarin vêre danûstandin bikin û welatiyên xwe vegerînin, lê niha ev hincet êdî nayê qebûlkirin. Heft sal pir dirêje ji bo derengxistina çareseriyekê. Divê ev welat welatiyên xwe vegerînin .
Ji dema ku hikûmetê di 20ê Çile de kampa El-Hol kontrol kiriye, nifûs kêm bûye, gelek ji wan bi awayekî ne birêxistinkirî û tawşankî derketine.

Rêxistinê hişyarî da ku "ev derketinên bêrêkûpêk jin û zarok xistine ber xetereyên bazirganî û leşkerkirina ji aliyê komên çekdar ve, û daxwaza "garantiya parastin, lênihêrîna tenduristiyê û piştgiriya psîkolocî, û her weha rêkarên qanûnî yên dadperwer ji bo her kesê ku bi kirina sûc tê tawanbarkirin" kir.


PUKMEDIA