Mezlûm Ebdî: Hevdîtina me bi Bafil Talebanî re berhemdar û bi sûd bû

PUKMEDIA

Serok Bafil û Qubad Talebanî û Mezlûm Ebdî

Fermandarê Giştî yê Hêzên Sûriya Demokratîk (HSD) Mezlûm Ebdî di nivîsên xwe yên li ser platforma Xˊê de diyar kir ku wî bi serokê Yekitiya Niştîmanî ya Kurdistanê (YNK) Bafil Celal Talebanî re hevdîtineke  sûdmend pêk aniye.

Birêz Mezlûm Ebdî bal kişand ser girîngiya hevkariyê û got: Em hevkarî û xebata hevbeş ji bo pêşerojeke çêtir a gelê me bilind dinirxînin. Ev hevdîtin hevkariya hevbeş xurttir dike û pabendbûna me ya ji bo avakirina têkiliyên xurt û bi kêrhatî nîşan dide.

Mezlûm Ebdî ragihand ku wî hevdîtineke din jî bi nûnerê taybet ê Amerîkayê ji bo Sûriyeyê Tom Barrack re pêk aniye û li gel rewşa dawî ya herêmê, di nav de peymana 29'ê Çileyê jî hatiye gotûbêjkirin.
Di derbarê hevdîtina bi Tom Barak re jî amaje bi wê yekê kir ku: Ev hevdîtin derfeteke baş bû ji bo pevguhertina nêrîn û fikrên li ser rêyên xurtkirina aramî û ewlehiyê li herêmê û xebata hevbeş ji bo rûbirûbûna kêşeyên ku gelê Sûriyeyê pê re rû bi rû ne.

PUKMEDIA