HSD: Daxuyaniya Berdevkê Wezareta Karên Hundir derbarê Kampa Holê de bêberpirsiyar û şaşe

PUKMEDIA

Logoya HSD

Di derbarê pêşketin û geşedanên dawî yên li kampa El Holê û daxuyaniyên şaş ên Wezareta Karên Hundir, Hêzên Sûryeya Demokratîk bi rêya daxuyaniyekê zelaliyek belav kir. ku ev naveroka daxuyaniyê ye:

Hêzên me daxuyaniyên ku ji hêla Berdevkê Wezareta Karên Hundir a hikûmeta Şamê ve hatine dayîn dişopînin, ku tê de wî hewl da ku ji berpirsiyariya tiştên ku li kampa El Holê qewimîn û têkçûna eşkere ya birêvebirina rewşê li wir piştî kontrolkirinê, bireve.

Berî van bûyeran êrîşên rasterast û kombûna leşkerî ji hêla komên girêdayî Şamê ve ber bi kampê ve hatin. Pevçûn gihîştin derdora wê, bi tevgerên hevrêzkirî di nav kampê de ji hêla malbatên endamên DAIŞê ve hevdem bûn. Di nav bêdengiya navneteweyî de, hêzên me neçar man ku vekişin da ku pêşî li wê yekê bigirin ku kamp bibe qada şer a vekirî.

Piştre, ev kom ketin kampê û dest bi qaçaxçîtiyê malbatên DAIŞê li ber kamerayên xwe kirin. Ev operasyonên qaçaxçîtîyê bi eşkereyî û bi delîlên belgekirî zêdetirî hefteyekê, di bin çavên hişyar de û bi hevkariya karmendên Wezaretên Parastinê û Karên Hundir ên hikûmeta Şamê berdewam kirin. Berpirsiyarên vê rewşê ew saziyên ku di wê demê de kontrol û rêveberiya rastîn girtin ser xwe ne. Ev rastî bi delîlên deng û vîdyoyê hatine belgekirin û bi daxuyaniyên medyayê yên şaş nayên veşartin.
Hêzên me û rêveberiya kampê bi salane erkên xwe yên mirovî, exlaqî û ewlehiyê bi cih anîne, tevî zehmetiya vê pirsgirêkê, nebûna piştgiriya têrker û pirsgirêkên ewlehiyê yên berdewam. Xema me ya sereke û dawîn parastina niştecihan û pêşîgirtina ji nû ve avakirina şaneyên DAIŞê di hundir an derveyî kampê de ye.

Ji ber vê yekê, daxuyaniyên bêberpirsiyar ên ku ji hêla berdevkê Wezareta Karên Hundir ve hatine dayîn, nikarin ji hewldanên siyasî yên ji bo şaşkirina raya giştî û dûrxistina balê ji kêmasiyên ewlehî û îdarî yên ku di serdema kontrola kampê de ji hêla wan aliyan ve dihatin, werin veqetandin.

Li gorî vê yekê, em piştrast dikin:
Vekişîna hêzên me encamek rasterast a êrîşa leşkerî û kombûna leşkeran bû ku ji hêla Şamê ve kamp û derdora wê armanc digirt.

Veguhastin û qaçaxçîtiya malbatên DAIŞê piştî ketina komên Şamê û beşdariya wan a rasterast di van operasyonan de çêbû.

Di salên borî de, hêzên me aliyê herî pabend bûn ku vê pirsgirêka tevlihev li gorî pîvanên mirovî û ewlehiyê yên herî bilind birêve bibin.

Navenda Medyayê ya HSD
25ê Şibata 2026an

PUKMEDIA