Aliyên Kurdistanî biryara cudakirina Celewla ji Xaneqînê red dikin

PUKMEDIA

Kongreya rojnamevanî ya Serokê Desteya Giştî ya Navçeyên Kurdistanî yên li Derveyî Rêvberiya Herêma kurdistanê

Aliyên Kurdistanî yên navçeya Xaneqînê îro, roja Pêncşemê, digel Desteya Giştî ya Herêmên Kurdistanî yên li Derveyî Rêveberiya Herêma Kurdistanê re civiyan.

Di civînê de, biryara dawî ya veguherandina navçeya Celewla ya navçeya Xaneqînê bo navçeyekê hate gotûbêjkirin, û civînê piştrast kir ku ev biryar ne li gorî yasayî ye.

Fehmî Burhan, Serokê Desteya Giştî ya Deverên Kurdistanî yên li Derveyî Îdareya Herêma Kurdistanê, di kongreyek e rojanamevaniyê de ku PUKMEDIA rûmala wê kir hat lidarxistin, ragihand ku tiştên ku niha di warê hewldanên guhertina demografiya navçeya Xaneqînê de rû didin hewldanên ne yasayî ne û li dijî bendên madeya 140-an in.

Her weha got: Em her hewldanek ne destûrî ya ji bo guhertina sînorên îdarî yên Deverên Veqetandî red dikin, û emê hemû bi hev re kar bikin daku van kiryarên ne yasayî rawestînin û emê xelkê navçeya Xaneqînê bi tenê nehêlin, û em bawer dikin ku erkê me ye ku di asta hikûmetî û gel de ji bo piştgiriya navçeya Xaneqînê bi dijwarî kar bikin.

Her weha got: Emê bi hikûmeta federal re kar bikin daku van biryarên ne destûrî rawestînin, û em ji hemî aliyên Kurdistanî re ji bo helwest û piştgiriya wan di rûbirûbûna van metirsiyan de spas dikin û em spasiya xelkê Xaneqînê dikin ji bo greva wan ya demokratîk û şaristanî ya li dijî biryara veguherandina navçeya Celewla bo navçeyek ne fermî.

Navbirî got: Biryara cudakirina navçeya Celewla ji navçeya Xaneqînê biryarek siyasî ye ku ne li gorî yasayê ye û bi tevahî li dijî madeya 140 a Destûrê û prensîbên jiyana aştiyane ye.

PUKMEDIA