Siyamend Efrînî digel Şêxê Êla Şemer û fermandarê Hêzên Senadîd civiya

ANHA

Civîna Siyamend Efrînî digel Şêxê Êla Şemer û fermandarê Hêzên Senadîd

Fermandarê Hêzên Ewlekariya Hundirîn (Asayîş) Mehmûd Xelîl (Siyamend Efrînî) tevî fermandarê Ewlekariya Hundirîn yê Parêzgeha Hesekê Merwan El Elî bi Şêxê Êla Şemer ya Erebî Mani Himêdî El Deham û fermandarê leşkerî yê Hêzên Senadîd Bender El Deham re civiya.

Fermandarê Hêzên Ewlekariya Hundirîn (Asayîş) Mehmûd Xelîl (Siyamend Efrînî) tevî fermandarê Hêzên Ewlekariya Hundirîn serbaz Merwan El Elî serdana herêmên Til Hemîs, Til Birak û gundewarê başûrê Cizîrê kir.

Di heman demê de, serdana gundê Til Elo yê gundewarê bajarê Girkê Legê jî kirin, ku hevdîtin bi Şêxê Êla Şemer ya Erebî Mani Himêdî El Deham El Hadî û fermandarê leşekrî yê Hêzên Senadîd Bender Himêdî El Deham El Hadî re hat kirin.

Ev serdan di çarçoveya bicihanîna bendên peymana navbera Hêzên Sûriye Demokrat (HSD) û hikumeta demkî de û belavkirina Hêzên Ewlekariya Hundirîn ji bo erkên xwe yên parastina ewlehî û aramiyê pêk bînin, pêk hat.

PUKMEDIA