Buroya Siyasî pîrozbahî li jinên pêşeng û têkoşer dike

PUKMEDIA

.

Buroya Siyasî ya Yekîtiya Nîştimanî ya Kurdistanê (YNK) di Roja Jinan de pîrozbahî li jinên Kurdistan û cîhanê kir û got: Em pîrozbahî û silavên germ ji jinan re dişînin ku di tevahiya dîrokê de di têkoşîna tevgera jinan de roleke pêşeng lîstine.

Peyama Buroya Siyasî ji bo Roja Jinan a Cîhanî..
Bi boneya Roja Jinan a Cîhanî, em pîrozbahî û silavên xwe yên herî germ ji wan jinan re dişînin ku di tevahiya dîrokê de di têkoşîna tevgera jinan de xwedî roleke pêşeng bûn.

Tevgera jinên Kurd beşek girîng a têkoşîna Kurdan ji bo maf û azadiyane û di warên siyasî û rêveberiyê yên Kurdistanê de jî roleke berbiçav lîstine, Di qadên siyasî û hikumraniya Kurdistanê de jî şopa wan diyar e. Jinên Kurd û di nav wan de hevalên jin, di herikîna têkoşîna piralî ya Yekîtî ji bo azadî, demokrasî û pêşkeftinê de, wêrek, jêhatî û baştirîn xebatkarên gelê me bûn.
Bi vê boneyê, em tekez dikin ku YNK dê siyaset û vîzyona Serok Mam Celal di beşdariya çalaktir a jinan de di meydanê de bidomîne, heta ku hemû organ û partî û beşên rêveberî û hukûmraniyê li ser lingên xwe bisekinin û pêşve biçin.
Careke din pîroz be

Buroya Siyasî
Yekîtiya Nîştimanî ya Kurdistanê
 

PUKMEDIA