Hejmara ziyanên şer yên madî û canî yên 15 rojan

Reuters

Êrîşeke bombeyî li paytexta Tehranê

Şerê Amerîka û Îsraîlê li dijî Îranê ketiye hefteya xwe ya sêyemîn û ev yek li herêmê û cîhanê bûye sedema aloziyên ewlehî, aborî û enerjiyê.

Şer dê berdewam bike

Dema ku Amerîkayê û Îsraîlê di 28ê Sibata 2026an de êrîşî Îranê kirin, gelek analîstên siyasî û leşkerî bawer dikirin ku şer bi sînor e û dê di nav kêmtir ji du hefteyan de biqede, lê piştî sê hefteyan, şer berdewam dike û hîna jî yekalî ye, hevrikên hev çi niyeta danûstandin yan rawestandina şer nînin.

Hejmara qurbaniyan li Îranê zêde dibe

 Ajansa Mafên Mirovan ya Herana di raportekê de got ku di şer de herî zêde Îran ziyan dîtiye, gelek fermandarên leşkerî hatine kuştin û li gorî raportên serokê wê yê bilind heta niha herî kêm 1348 kes hatine kuştin.
Li gorî raportên Ajansa Mafên Mirovan a Herana, li Îranê mirov hatine kuştin û 17 hezar kes birîndar bûne, di heman demê de 1100 zarok jî birîndar bûne an hatine kuştin.

 Zêdetirî 21 hezar cihên sivîlan bûne armanc

Heyva Sor ya Îranê got ku zêdetirî 21 hezar û 720 cihên sivîlan, di nav de 17 hezar û 353 yekîneyên niştecîhî, 4 hezar û 122 kargeh û 160 navendên tenduristiyê, di nav de nexweşxane, û navendên tenduristiyê yên awarte û xanîyên pîran hatine armancgirtin û heta niha, neh nexweşxane têk çûne û 69 xwendingeh jî hatine hedefgirtin.

 Du ji sêyan ji baregehên avêtina mûşekan yên Îranê hatine wêrankirin.

Derbarê ziyanên leşkerî de, Bloomberg û New York Times, ji çend çavkaniyan, dîtin ku du ji sêyan ji sekoyên avêtina mûşekan yên Îranê hatine wêrankirin.

Di heman demê de, dabînkirina wusze ya Îranê ji ber bombebaranên Îsraîlê yên li ser benzînxaneyan li başûrê Tehranê hefteya borî bi giranî ziyan dîtiye, ku bûye sedema qirêjiya jîngehê û Girava Xargî, ku pişta aboriya Îranê ye, armanc girtiye ku zêdetirî 90 ji sedî ji hinardekirina petrola xav a Îranê di giravê re derbas dibe, ku yek ji mezintirîn termînalên barkirina petrolê yên cîhanê lê ye.

Pêla 48an ya mûşekên Îranê

Di heman demê de, Îran êrîşên xwe yên bi mûşek û dronan li ser Îsraîl û welatên din yên herêmê didomîne, heta niha 48 pêlên mûşekan di Operasyona Weid Sadiq de hene, van welatan ev êrîş pêk anîne.

Ziyanên Îsraîlê pir zêde ne

 Li gorî amarên herî dawî yên wezareta tenduristiyê ya Îsraîlê, 2 hezar û 745 kes birîndar bûne, ku 85 ji wan hîn jî li nexweşxaneyê ne û dermankirinê dibînin, di heman demê de 13 kesên din jî di êrîşan de hatine kuştin.

Zêdetirî 9 hezar Îsraîlî daxwaza qerebûyê dikin

Rojnameya Jerusalem Post ragihand ku heta niha 9 115 kesan ji bo zirara ku ji ber êrîşan çêbûye, di nav de 1485 wesayît, tezmînat xwestine, ya din jî ziyana madî bû, ku bi tevahî bi qasî 2.9 mîlyar şîgil, yan jî bi qasî 922 mîlyon dolar bû û di şer de
13 leşkerên Amerîkî hatine kuştin û zêdetirî 150 leşkerên din jî birîndar bûne.

 Ziyan û zirara şerê li ser Amerîka pir mezin in

 Sê balafirên F-15E li Kuweytê û balafireke sotemeniyê li Îraqê hatine xistin, ji bilî 11 qurbaniyên din ku ziyana wê bi qasî 400 milyon dolarî tê texmînkirin, ji bilî xerciyên hefteya yekem yên şer, Amerîkayê 11.3 milyar dolar xerc kirine.

Bihayê petrolê ji 100 dolarî derbas bû

Îranê di destpêka şer de Tengava Hurmuzê ji bo tankerên petrolê girt, ev yek bû sedema bilindbûna buhayê petrol ku petrolê Brent bi 103.10 dolarî bermîlek dihat firotin, di heman demê de petrola Teksasê bi 98.71 dolarî bermîlek dihat firotin.

Esamên welatên herêmê girtî dimîne

Bi destpêkirina şer re, welatên herêmê ji bilî Îran û Îsraîlê qada xwe ya hewayî ji bo hemû geştan girtin, heta niha 52 hezar geşt li Rojhilata Navîn hatine betalkirin û bihayên bilêtên balafirgehan bi girîngî bilind bûne.

Rewşa şer di hefteya sêyemîn de

Di hefteya sêyemîn de, êrîş berdewam dikin û hem Îran û hem jî Amerîka dixwazin xwe wekî serketî nîşan bidin, çi amadehiyek ji bo danûstandin û rawestandina şer nîşan nedane, Serokê Amerîka Donald Trump herî dawî got:Emê hefteya bê êrîşan dijwartir bikin, Îran ji bo agirbestê mercên xwe hene û ji bo pêşîgirtina li dubarebûna êrîşan û qerebûyan gerantiyên navneteweyî dixwaze ku Îran bi biryar e ku şer rawestîne û şer bi postek Twitterê nayê rawestandin.

PUKMEDIA