Wezareta Petrola Îraqê bersiva daxuyaniya Wezareta Samanên Xwezayî dide

Kurdsat News

Rafîneriya petrolê

Wezareta Petrolê ya Îraqê bersiva daxuyaniya Wezareta Samanên Xwezayî ya Herêma Kurdistana Iraqê da û ragihand ku, ew helwesteke siyasî û hizbî bûye û em hewl didin ku di zûtirîn dem de bi riya boriya petrolê ya Kerkûk-Ceyhanê hinardekirina petrolê ji nû ve dest pê bikin.

Wezareta Petrolê ya Îraqê di daxuyaniyekê de ragihand ku daxuyaniya Wezareta Samanên Xwezayî helwesteke siyasî û hizbî bûye,û Em hewl didin ku di zûtirîn dem de hinardekirina petrolê bi riya boriya Kerkûk-Ceyhanê ji nû ve dest pê bikin.

Wezaretê got: Em hêvî dikin ku di çend rojên pêş de kar bi dawî bikin û petrola Kerkûkê rasterast hinarde bikin, me daxwaz kiriye ku boriya ku wêstgeha Sarliwa ya li Kerkûkê bi wêstgeha Fîşxabûr û bendera Ceyhan ve girêdide demkî were bikar anîn.

Di daxuyaniyê de hat gotin, eger hilberîna petrolê zêde bibe, hinardekirin dê bigihîje 450 hezar bermîlan di her rojekê de.

Wezareta Petrolê ya Îraqê aşkere kir ku li gorî rêkeftina di navbera Îraq û Turkiyê de, boriyên saziyeke hikûmeta federal e û em bang li Hikûmeta Herêma Kurdistanê dikin ku helwesta xwe ya ji bo pêşîgirtina li hinardekirina petrolê ji nû ve binirxîne.

PUKMEDIA