Hikûmeta Herêmê: Piştevanê derbaskirina qeyrnan in

PUKMEDIA

Logoya Hikûmeta Herêma Kurdistanê

Şandeya Hikûmeta Herêma Kurdistanê ragihand ku ji bo destpêkirina hinardekirina petrolê komîteyek hevbeş ji Wezareta Petrolê ya Hikûmeta Federal û Wezareta Çavkaniyên Xwezayî hatiye damezrandin û aşkere kir ku, em piştgirî didin her pêngavekê ku dê dahata xezîneya giştî zêde bike û qeyrna darayî çareser bike.

Şandeya danûstandinan ya Hikûmeta Herêma Kurdistanê derbarê hinardekirina petrolê de daxuyaniyek belav kir û rgihand ku, îro, 17ê Adara 2026an, civînek hevbeş di navbera Hikûmeta Federal ya Îraqê û Hikûmeta Herêma Kurdistanê de pêk hat, taybet bi mijara hinardekirina petrolê ji zeviyên petrolê yên Kerkukê û ji nû ve destpêkirina hinardekirina petrolê ji kêlgehên  Kerkûk û destpêkirina hinardekirina petrola Herêma Kurdistanê bi rêya boriyê ber bi bendera Ceyhan ya Turkiyê .

Ragihand jî, şandeya danûstandinê ya Hikûmeta Herêma Kurdistanê, di çarçoveya hevpariya destûrî de û bi berçavgirtina hesta berpirsiyariya neteweyî, û tekez li ser  amadebûna tevahiya Herêma Kurdistanê ji bo avêtina her tedbîr pêngavan ku dahata xezîneya giştî zêde bike û krîza darayî çareser bike.     

Derbarê pêngavên kirdarî jî yên ji bo hinardekirina petrolê de, şanda danûstandinkar ya Hikûmeta Herêma Kurdistanê eşkere ki ku herdu hikûmet li hevkirin ku komîteyek hevbeş ji wezareta petrolê ya hikûmeta federal û wezareta çavkaniyên xwezayî ya hikûmeta Herêma Kurdistanê ava bikin, ji bo destpêkirina hinardekirina petrolê, pêngavên pêwîst yên teknîkî û kargêrî bên avêtin.

Amaje bi wê yekê kir ku,ji sibê ve bi riya boriyê ber bi bazarên cîhanê ve, dahata firotina petrola ku tê hinardekirin vedigere xezîneya federal.

Di dawiyê de jî, şandeya danûstandinkar ya Hikûmeta Herêma Kurdistanê eşkere kir ku, herdu alî li hevkirin ku tedbîrên ewlehiyê yên pêwîst bigirin daku ewlehiya zeviyên petrolê biparêzin û berdewamiya hinardekirina petrolê misoger bikin.

PUKMEDIA