Civata Koçberên Efrîn: Divê vegera Efrîniyan bê misogerkirin

ANHA

Civata Koçberên Efrîn û Şehba

Civata Koçberên Efrîn û Şehba bi boneya salvegera 8ˊemîn a dagirkirina Efrînê li Çerxerêya Efrîn a bajarê Qamişlo di daxuyaniyek de got: Em bang li hikumeta demkî dikin ku çarenivîa kesên winda diyar bike, girtî bên berdan û vegera xelkê Efrîne were misogerkirin.

Di daxuyaniyê de hate gotin: 8 sal e ku koçberên Efrinê dûrî mal û milkên xwe ne, pinpêkirin her berdewam e û koçber dev ji mafê vegerê naqerin 18'ê Adarê, salvegera 8'emîn e ku xelkê devera Efrînê dûrî malên xwe ne.

Hate diyarkirin ku vegera li Efrînê mafekî mirovî ye û bi demê re nakeve û hate gotin:Ji bo raya giştî û civaka navdewletî, her wiha ji bo hemû kesên biwijdan, em tekez dikin ku bêdengiya li hember êșa gelê Efrînê ne helwesteke bêalî ye, lê revîna ji berpirsiya mirovî ye,ya ku îro tê xwestin, helwesteke zelal e ji bo vegereke ewle û birûmet misoger bibe, her wiha ji bo ev êşa ku çend sal e berdewam e raweste.

Di dawiyê de bang li hikumeta demkî hate kirin ku çarenivîsa wan kesên winda diyar bike û em banga wê yeke dikin ku girtî bên berdan û vegera xelkê Efrîne ji bo malên wan were misogerkirin.

PUKMEDIA