Dezgeha Asayîşê:Di du rojan de li Silêmanî û Koyê 16 êrîş

PUKMEDIA

Logoya Asayîşê

Dezgeha Asayîşa Herêmê ragihand ku di du rojên borî de li navçeyên Silêmanî û qezaya Koyê 16 êrîşên bi dron û mûşekan hatine kirin.

Di daxuyaniyekê de Asayîşa Herêmê ragihand ku roja Sêşemê sê êrîşên bi dronan û du êrîşên bi mûşekan li ser baregeha Hêza 70ê ya li Silêmaniyê pêk hatine ku du Pêşmergeyên Wezareta Pêşmerge bi sivikî birîndar bûn û piraniya êrîşan ji esman ve hatin pûçkirin.

Di heman demê de, demjimêr 3:50 piştî nîvro du êrîşên bi dronan li ser kampa penaberan a Koyê hatin kirin, di encamê de du agirkujên Xelîfan dema ku erkên xwe pêk dianîn bi sivikî birîndar bûn.

Her weha aşkere kir ku, roja Çarşemê 18ê Adara 2026an (2) êrîşên bi dron li ser Silêmaniyê - baregeha hêzên (70ê) hatin kirin, di heman demê de, demjimêr 2 ber destê sibehê li navenda bajarê Koyê êrîşeke bi droneyan pêk hat, piştî demjimêr 13:30, şeş êrîşên bi balafirên dronan li ser kampa penaberan a Koyê hatine kirin û çi qurbanî ne hatine ragihandin û piraniya êrîşan di hewayê de hatine têkbirin.

PUKMEDIA