Îsraîl bi dehan qurbaniyan radigihîne, û Trump gefê dixwe ku dê çavkaniyên enerjiyê hilweşîne

Reuters

Îsraîl

Şerê di navbera Îranê ji aliyekî ve û Îsraîl û Dewletên Yekbûyî yên Amerîkayê ji aliyê din ve berdewam dike û dikeve roja xwe ya 23an. Serokê Amerîkayê gef li Îranê xwar ku eger Tengava Hirmuz bi tevahî neyê vekirin, dê alozî gur bibe, û ji ber êrîşên mûşekî yên Îranê windahiyên madî û mirovî li Îsraîlê zêde bûne.

Serokê Amerîkayê Donald Trump piştrast kir ku eger Îran di nav 48 demjimêran de Tengava Hurmuz veneke, welatê wî dê wêstgehên elektrîkê yên Îranê hilweşîne.

Di tweetekê de roja Yekşemê, 22ê Adara 2026an, Trump diyar kir: "Ger Îran di nav 48 demjimêran de Tengava Hurmuz bi tevahî veneke, Dewletên Yekbûyî yên Amerîkayê dê gelek wêstgehên elektrîkê yên Îranê hilweşîne, û wê ji ya herî mezin dest pê bike."

Kanala 12 a Îsraîlê îro ragihand ku di du êrîşên mûşekî yên Îranê yên ku bajarên Arad û Deymone armanc girtin de, nêzîkî 135 kes birîndar bûne. Destnîşan jî kir ku Deymone bajarokê ku çole gelek moşekên neklurî yên Îsraîlê dihewîne û bi xurtî tê parastin.

Artêşa Îsraîlê îro serê sibê  ragihand ku çend êrîş pêk anîn, çend demjimêr piştî ku du mûşekên Îranî li başûrê Îsraîlê ketin.

Di encama êrîşên hewayî yên Îsraîl û Amerîkayê de li çend bajarên Îranê teqîn çêbûn.

Li gorî medyaya Îranê, li herêma Demewand a Tehranê sê teqîn hatin bihîstin, piştre li baregeha leşkerî ya li herêma Absardê rêze teqîn çêbûn. Dengê teqînan li bajarên Fardis, Kerec û Kerecê jî hat bihîstin, û teqîn heta bendera Lence ya li parêzgeha Hormozganê hatin hîskirin.


PUKMEDIA