Kîmyabarana Helebceyê bi fermî dikeve nav bernameya xwendina Siwêdê

PUKMEDIA

Dr. Ferîdûn Muradî, lêkolîner û pisporê çekên kîmyawî li Zanîngeha Goteborgê ya Swêdê

Karesata kîmyabarana Helebceyê bi fermî dikeve nav bernameya xwendinê ya xwendekarên qonaxa seretayî li welatê Swêdê, ev yek bi hewldan Dr. Ferîdûn Muradî, lêkolîner û pisporê çekên kîmyawî li Zanîngeha Goteborgê ya Swêdê pêk hatiye.

Di deqeke zanistî ya nû de ku ji bo xwendekarên seretayî yên polên 4 heta 6 li Swêdê hatiye amadekirin, behsa karesata kîmyabarana Helebceyê tê kirin, ew rûdan wekî karesatekê tê pênasekirin ku di sala 1988an de bû sedema şehîdbûna zêdetirî pênc hezar kesên bêguneh û birîndarbûna bi hezaran kesên din.
Ev deq bi zimanekî guncaw ji bo zarokan hatiye amadekirin û hewl dide xwendekaran bi girîngiya zanistê, bi taybetî zanista kîmyayê bide naskirin û wan ji metirsiyên bikaranîna çekên kîmyawî agahdar bike.

Ev di demekê de ye ku cara yekeme karesata kîmyabarana Helebceyê bi şêweyekî fermî dikeve nav bernameya xwendinê. Bi saya hewldanên bêwestan ên Dr. Ferîdûn Muradî, lêkolînerê li Zanîngeha Goteborgê, ev karesata Kurdistanê bi fermî di nav bernameya xwendinê ya Swêdê de cih girt. Ev gav wekî destkeftiyeke dîrokî û navdewletî ji bo naskirina jînosayda gelê Kurd tê hesibandin.

PUKMEDIA