Mafên Mirov:13 Welatî li Efrîn û Heleb hatine kuştin

Medya

Bajarê Efrîn

Rêxistina Mafên Mirovan a Efrîn-Sûriyê aşkera kir ku binpêkirinên grûpên çekdar yên hikumeta demkî û çekdarên ser bi Turkiye du heyva Adar ya bprî de jî li herêmên Efrîn û Helebê berdewam kiriye.

Rêxistinê diyar kir ku di heyva Adarê de li Efrîn û Helebê 13 sivîl hatine kuştin û zêdetirî 70 bûyerên revandin û girtina kesan pêk hatine ku piraniya wan bi pîrozbahiyên Newrozê ve girêdayî ne, her wiha li taxa Kurdnişîn yêm Şêxmeqsûd ya parêzgeha Helebê jî 4 ciwan hatin desteserkirin.

Rêxistinê her wiha bal kişand ser dizî û talana çekdarî ya berdewam ya li Efrînê ji hêla çekdarên ne nas ve û diyar kir ku dema ku şênî bi pîrozkirina Newrozê mijûl dibûn, diz ketin malên wan û kel û pelên wan dizîn û li navçeya Cindirêsê 18 serî pez,birek ji zêr û pere hatine dizîn her weha navçeya Şiyê jî çekdaran êrişî ajokarekî, mêrekî û hevjîna wî kir.

Rêxistina Mafên Mirovan a Efrîn-Sûriyê bang li hikumeta demkî û rêveberiya herêma Efrînê kir ku berpirsyariyên xwe cî bi cî bikin, şêniyên vegeriyayî biparêzin, milkên wan li wan vegerînin û dawî li binpêkirinên li dijî şêniyên resen bînin.

PUKMEDIA