Trump: Amerîkayê nêzîkî bidawîbûna erkên xwe li Îranê ye

Cîhan 10:23 AM - 2026-04-02

Donald Trump serokê Amerîkayê

Serokê Amerîkayê Donald Trump tekez kir ku Dewletên Yekbûyî yên Amerîkayê pir nêzîkî temamkirina erka xwe li Îranê ye, û tekez kir ku operasyona leşkerî dê zû bi dawî bibe, pêşbînî kir ku di nav du-sê hefteyan de wê were qedandin, û diyar kir ku "beşa herî dijwar a şer" qediya ye.

"Xezeba Destanî" pêwîst bû

Trump got hêzên Amerîkayê di operasyonên xwe yên li dijî Îranê de di çar hefteyên borî de "serkeftinek mezin" bi dest xistine, û destnîşan kir ku Washingtonê şiyanên leşkerî yên Tehranê talan kiriye, wek cihên avêtina mûşek û dronan û deryaya Îranê wêran kiriye û şiyana wê ya gefxwarina li ser cîran bi awayekî pratîkî ji holê rakiriye.

Serokê Amerîkayê tekez kir ku Îran plan dikir ku mûşekên ku dikarin bigihîjin Dewletên Yekbûyî û Ewropayê çêke, ji ber wê  "Xezeba Destanî" ji bo ewlehiya Amerîkiyan û "cîhana azad" girîng bû. Wî piştrast kir ku wî gelek tişt kiriye da ku Tehran ji bidestxistina çekek nukleerî dûr bixe, di heman demê de peymana nukleerî ya berê ya bi Îranê re wekî "xirab" bi nav kir û diyar kir ku ew dixebite ku "xeletiyên berê" di vê doyayê de rast bike.

Emê nehêlin ku ti zirar bigihîje welatên navçeyê

Derbarê Herêmê de, Trump diyar kir ku welatên navçeyê ne aliyê şer in, lê Îranê êrîşî wan kir. Wî spasiya hevalbendên Washingtonê yên li Kendavê kir û piştrast kir ku Dewletên Yekbûyî yên Amerîkayê dê nehêlin ku ti zirar bigihîje welatên herêmê, piştî ku Tehran bi salan bi mûşek, dron û wekîlan gef li wan xwar.

Trump her wiha behsa Tengava Hurmizê kir û bang li welatên ku jê sûd werdigirin kir ku "wêrekiyê" nîşan bidin û ji bo ewlehiya wê bixebitin, di heman demê de bal kişand ser danûstandinên berdewam ên derbarê Îranê de. Wî her wiha diyar kir ku rêjîma Îranê 45,000 xwepêşander kuştine, wekî beşek ji rexneyên xwe yên berdewam ên li ser rayedarên Tehranê.


PUKMEDIA