Wezareta Dadê radigihîne ku lêpirsîna bi1000 terorîstên DAIŞê temam bûye

PUKMEDIA

Girtiyên DAÎŞê

Wezareta Dadê ya Îraqê ragihand ku cihê ragirtina terorîstên DAIŞê bi dorpêça ewlehiyê hatiye parastin. Wezaretê diyar kir ku lêpirsîn bi 1000 girtiyan re qediyane û hewl tê dayîn ku bi welatên ku dixwazin welatiyên xwe qebûl bikin re yadeştnameyên têgihîştinê îmze bikin.

Ajansa Nûçeyan a fermî ya Îraqê ji zarê berdevkê Wezareta Dadê Ehmed Leîbî vegot ku got, "Endamên rêxistina terorîst niha li Zindana Navendî ya Karxê têne girtin û niha nayên veguhastin, destnîşan kir ku "wezaretê cihê ragirtina terorîstan bi kordonên ewlehiyê yên ku ji hêla hêzên Dijî Terorê û karmendên Daîreya Îslahê ya Îraqê ve têne bicîh kirin ewle kiriye.

Laîbî her wiha diyar kir, "Terorîst hîn jî di bin lêpirsînê de ne. Lêkolîn bi 1000 ji wan re hatine kirin, û tu biryarên dadwerî li dijî wan nehatine dayîn." Wî tekez kir ku "eger cezayên bidarvekirinê li dijî yek ji terorîstan werin dayîn, divê ew dawî bin û ji hêla Serokê Komarê ve werin pejirandin.
 Berdevk zêde kir ku "ti ji welatên ku welatiyên wan terorîstên DAIŞê ne, daxwaza veguhestina welatiyên xwe nekirine da ku cezayên xwe li ser axa xwe temam bikin", û destnîşan kir ku "Wezareta Dadê dikare di pêşerojê de bi welatên ku dixwazin welatiyên xwe yên ku terorîst in qebûl bikin, ji bilî girtiyên ku cezayê wan ê îdamê lê hatiye birîn, peymana têgihîştinê îmze bike."

PUKMEDIA