Rûniştina Civata Nûneran ji bo hilbijartina Serokkomar bi rêve diçe

PUKMEDIA

Civîna Civata Nûneran ya Îraqê

Rûniştina Civata Nûneran ya Îraqê ya ji bo hilbijartina Serokkomarê Îraqê demek kurt berê bi amadebûna 223 endaman piştî ku hejmara pêwîst pêk hat dest pê kir.

Dr. Biryar Reşîd, endamê Fraksyona Yekîtiya Niştimanî ya Kurdistanê (YNK) di Civata Nûneran ya Îraqê de, ji PUKMEDIA re got ku rûniştin piştî ku hejmara pêwîst a 223 endaman pêk hat dest pê kir.

Asos Elî, ku ew jî endamê Fraksyona Yekîtiya Niştimanî ya Kurdistanê ye, ji PUKMEDIA re piştrast kir : Bi hebûna 223 endaman ji piraniya Fraksyonên Civata Nûneran ya Îraqê de, hejmara pêwîst pêk hat.

YNKê berê ragihandibû ku namzetê wê ji bo serokkomariya Îraqê Nîzar Mihemed Seîd, ku bi navê Nîzar Amêdî jî tê nasîn, e.

Berdevkê YNKê di daxuyaniyekê de ku gihîştiye destê PUKMEDIA de diyar kiribû :Nîzar Amêdî namzetê fermî û yekane yê YNKê ji bo serokkomariyê ye.

PUKMEDIA