Xanım Şanaz:Dr. Letîf Reşîd bi berpirsiyarî Îraqê bi rêve bir

Ragihandina Şanaz Îbrahîm Ehmed

Xanım Şanaz û Dr. Letîf Reşîd

Şanaz Îbrahîm Ehmed, peyamek belav kir ku têde hatiye: Ew bi mîrateya ku mêr û hevalê wê, Ebdulletîf Cemal Reşîd, hiştiye serbilind e û dibêje:Gelek ji destkeftiyên wî yên berhemdar neketin sernavên rojnameyan, lê hewildanên wî yên li pişt perdê, rola wî di kêmkirina aloziyan, ji nû ve vekirina rêyên ragihandinê, parastina Îraqê ji ketina nav nakokiyên herêmî û rêvebirina welêt ber bi rêyeke pêşketîtir û aramtir lîst.

Naveroka peyamê:

Welatiyên Îraqî yên hêja

Bi bidawîhatina erkên fermî yên mêr û hevalê min yê jiyanî, Ebdulletîf Cemal Reşîd wekî serok, ez bi mîrateya bêdawî ya ku serokatiya wî ji me re hiştiye serbilind im.

Welat û herêma me bi salan e ku têde alozî û bê aramî heye.

Di vê demê de, min dît ku wî çawa bi durustî û hestek bilind ya berpirsiyariya neteweyî li hember welat û gelê Îraqê serokatiyê dikir di kêliyên fişar û dubendiyê de, wî li şûna sextekariyê aqil hilbijart û li şûna pevçûnê diyalog kir pîşeyê xwe.

Gelek ji kar û destkeftiyên wî yên berhemdar neketin sernavên rojnameyan, lê hewldanên wî yên li pişt perdê, rola wî di kêmkirina aloziyan, ji nû ve vekirina rêyên ragihandinê, parastina Iraqê ji ketina nav nakokiyên herêmî û rêvebirina welêt ber bi rêyeke pêşketîtir û aramtir de rolek lîst.

Di heman demê de, divê em vê rastiyê eşkere bikin ku ger di vê heyamê de yekîtiyek mezintir, piştgiriyek berfirehtir û çalakiyek kolektîf a bihêztir hebûya, destkeftiyên pir mezintir dikarîbûn bi dest bixin.

Ez her wiha serbilind im ku, wekî Xanima Yekem, min piştî çil û pênc salan beşdarî merasîmek veşartina bi rûmet ji bo qurbaniyên Enfalê di gorên komî de bû û piştgirîkirina hewildanên ji bo destnîşankirina qurbaniyên winda di gorên komî de ku birînên wan hîn jî di axa me de ne, bo cara yekem jî, platforma Ofîsa Xanima Yekem ji bo balkişandina ser zarokên kêmendam û gelek pirsgirêkên din yên mirovî yên ku nêzîkî dilê min in, hat bikar anîn.

Bi heman awayî, min hewl da ku piştgiriyê bidim jinên Îraqî, yên ku carekê di pêşengiya tevgera jinan ya herêma me de bûn, Lê belê, di dehsalên dawî de, dengê wan gelek caran hatiye paşguhkirin,ez hêvî dikim ku min kariye beşdarî peydakirina derfetên rastîn ji bo beşdarbûna di jiyana giştî, perwerde û rêbertiyê de bibim.

Nivîsgeha Xanima Yekem ji destpêkê ve saziyeke nû û carinan jî nakok bû,her çend xebata min ya mirovî, parêzvaniya mafan û çalakiyên sivîl gelek berî vê posta fermî vedigerin jî, lê ev post û platform derfet da min ku ez Îraqê li ser sehneya navneteweyî temsîl bikim, çi di konferansên navneteweyî yên li ser guherîna avhewayê de be çi jî di xebata mirovî de be.

Di salên dawî de, Nivîsgeha Xanima Yekem di xizmetkirina berjewendîyên neteweyî û piştgirîkirina pêşketina jinan de roleke bibandortir lîstiye.

Ez hêvî dikim ku ev ezmûn wekî rewşek îstîsna neyê dîtin, lê wekî destpêkek were dîtin.

Ez li vir dixwazim spasiya hemû tîma xwe ya li vir bikim, ku bê westan û pir caran dûrî kamerayan kar kirin daku piştgiriyê bidin Xanima Yekem û peyama me,ez wan ji bo dilsozî, jêhatîbûn û baweriya wan a bêdawî bi xizmeta giştî pesnê wan didim.

Pabendbûna min ji bo Îraqê, gelê wê û pêşeroja wê neguheriye,ez hêvî dikim ku berdewam bikim li gorî wijdan û baweriyên min.

Şanaz Îbrahîm Ehmed

PUKMEDIA