Namzedê YNKê wek serokê Îraqê hat hilbijartin

PUKMEDIA

Nîzar Amêdî, Serokkomarê Îraqê

Îro Şemî rêkefta (11-04-2026) an Nîzar Amêdî, yekane namzedê Yekîtiya Niştimanî ya Kurdistanê (YNK), bi amadebûna 252 endamên Civata Nûneran ya Îraqê wek serokkomarê Îraqê hat hilbijartin,ev jî di demekê de ye ku di gera yekem ya hilbijartinê de, wî hejmareke mezin ji dengan bi dest xist, lê reqîbên wî pir kêm deng wergirtin.

Berî hilbijartinê, Dr. Letîf Reşîd û Aso Ferîdûn, ku berê xwe ji bo vê postê berbijêr kiribûn, berbijêriyên xwe vekişandin û Nîzar Amêdî, Musene Emîn û Fuad Husên wekî berbijêrên Kurd man, ev tevî wê yekê ye ku li gorî rêkeftina siyasî ew post ji bo Kurdan hatiye diyarkirin.

Di gera yekem a rûniştinê de, Nîzar Amêdî, yekane namzedê Yekîtiya Niştimanî ya Kurdistanê (YNK), 208 deng bi dest xist û di nav reqîbên xwe de yekem bû, lê ji ber ku dengên kêm ji bo serketinê mabûn, hilbijartin çû gera duyem.

Nîzar Amêdî di gera duyemîn ya dengdanê de bi 227 dengan wekî serokkomarê nû yê Îraqê hat hilbijartin, ji ber ku di gera duyemîn de, namzedê serkeftî tenê pêdivî bi 50 + 1 dengan heye û namzedê YNKê ji vê bêtir deng bi dest xist û bû serokkomarê nû yê Îraqê.

Yekîtiya Niştimanî ya Kurdistanê (YNK) di hilbijartina Civata Nûneran ya Îraqê de, ku di 11ê Mijdarê de pêk hatin, 18 kursî bi dest xist.

Li gorî rêkeftinan, posta serokomariya Îraqê dê ji bo Kurdan û Yekîtiya Niştimanî ya Kurdistanê (YNK) di nav Kurdan de be, her çiqas Partiya Demokrat ya Kurdistanê (PDK) dixwaze ji bo du xulan vê postê ji YNKê bistîne jî, lê nikare.

Her weha posta cîgirê serokwezîr ji bo Şîeyan e, posta serokê parlemanê jî ji bo Sunniyan e, Tê çavrêkirn ku bi hilbijartina namzedê YNKê ji bo posta serokkomariyê di zûtirîn dem de posta serokwezîr diyar bike û Îraqê ji valahiya yasayî rizgar bike.

PUKMEDIA