Êzdî sersala nûh pîroz dikin

PUKMEDIA

Cejna Êzdiyan

Çarşema sêyem a meha Nîsanê Cejna Serê Sala Êzîdiyane ku kevntirîn cejna wane. Bi vê boneyê li Lalişê şahiyan çêdikin, 365 çira hildikin û xwarinê li ser feqîr û hejar re belav dikin.

Cejna Serê Salê bi "Çarşema Sor" jî tê nasîn, ku ji êvara roja Sêşemê dest pê dike. Êzidî malên xwe dixemilînin û serdana gorên ezîzên xwe dikin. Roja din ku çarşema yekem a salnameya Rojhilatî ya Êzidiyan û çarşema sêyem a rojmêriya Zayînî ye, li Perstgeha Lalişê dest bi pîrozbahî û ahangan dikin. Ev merasîm di bin serpereştiya Baba Şêxê Êzidiyan de tê kirin, agir li perstgehê tê dadan û piştre 365 çira (bi qasî hejmara rojên salê) tên vêxistin. Armanc ji vê agirvêxistinê dûrxistina ruhên xerab û nîşana hatina xêr û xweşiyê ye.

Di Çarşema Sor de, her malbateke Êzidî hinek hêkên kelandî amade dikin, wan reng dikin û li ser malên hejar belav dikin. Herwiha, ew di vê mehê de zewacê nakin, ji ber ku di wê baweriyê de ne ku bihar meha geşbûna kulîlk û çîçekaneye.


Êzidî di salekê de şeş cejnên wan hene, ew jî: Cejna Rojiyên Êzî, Çarşema Serê Nîsanê, Xidir Elyas, Cejna Çileyê Havînê û Çileyê Zivistanê, Cejna Qurbanê.
Serjimarên ji bo Êzidiyên li Îraqê nîşan didin ku hejmara wan 500 heta 700 hezar kes in û li her du bajarên Şêxan li bakurê parêzgeha Mûsilê û Şingalê li ser sînorê Sûriyê bi dûrahiya 80 kîlometre ji parêzgeha Mûsilê bi cih bûne, ku gelek bajarok, gundên mezin û piçûk û kampên nîştecîbûnê li xwe digirin, her wiha qezayên Zaxo û Sêmêl li parêzgeha Duhokê.


PUKMEDIA