Qubad Talebanî: Êzîdî yek ji wan pêkhateyên herî resen û kevnar in

PUKMEDIA

Qubad Talebanî

Qubad Talebanî bi boneya Cejna Serê Salê ya Êzîdiyan peyamek weşand û pîrozbahî li wan kir, her wiha ragihand: Bone û cejin her dem fersendên herî bilind in ji bo bihêzkirina giyanê tebayî û kûrkirina koka pêkvejiyanê di navbera me de.

Naveroka peyamê:
Bi boneya Cejna Serê Salê ya Êzîdiyan, germtirîn û herî xweş pîrozbahiyan li xwîşk û birayên Êzidî li Kurdistan û cîhanê dikim. Hêvîdar im ev cejn bibe sedema xêr û xweşiyê û bibe destpêka saleke tijî aramî û dawîhatina hemû êş û nexweşiyên berê.

Boney û cejn her dem fersendên herî bilind in ji bo bihêzkirina giyanê tebayî û kûrkirina zêdetir a kokên pêkvejiyanê di navbera me de. Kurdistan bi mozaîka dewlemend a pêkhateyên xwe geştir dibiriqe, û birayên me yên Êzîdî, wekî yek ji pêkhateyên herî kevin û resen ên vî welatî ne, beşek yekgirtî û sembolek bilind a dîrok û roja îroyîn a wê pêk tînin.

PUKMEDIA