Perwerdeya Rêvberiya Xweser û Hikûmeta Sûriyê dê bicivin

Roz Press

Logoya Zanîngeha El Şerq

Tê çavrêkirin ku li Hesekê civînek ji bo gotûbêjkirina pirsa wekhevkirina bawernameyan û yekgirtina saziyên perwerdehiyê were lidarxistin.

Li gorî çavkaniyên hikûmetê û çavkaniyên ji Rêveberiya Xweser, Parêzgeha Hesekê dê mêvandariya civînekê bike ku Desteya Perwerdehiyê û Komîteya Hemahengiya Zanîngehan li Bakur û Rojhilatê Sûriyê,digel Wezaretên Perwerde û Xwendina Bilind û Lêkolînên Zanistî yên di Hikûmeta Demkî de tê de beşdar bibin.

Civîn wê li ser gotûbêjkirina çend pirsên perwerdehiyê be, bi taybetî mekanîzmaya wekhevkirina bernameyên xwendinê yên Rêveberiya Xweseriya Demokratîk li astên cuda yên perwerdehiyê, di nav de perwerdehiya amadekarî, navîn û zanîngehê.

Çavkaniyan diyar kirin ku civîn, ku biryar e hefteya bê were lidarxistin, di çarçoveya şopandina cîbicîkirina bendên Peymana 29ê Çile ya di navbera Hêzên Sûriye Demokratîk û Hikûmeta Demkî de tê, nemaze di derbarê dosyaya yekkirina saziyan di navbera her du aliyan de.

Di çarçoveyeke têkildar de, Wezîrê Xwendina Bilind û Lêkolînên Zanistî yê di hikûmeta demkî de, Merwan Helebî, roja 17ê Sibatê piştrast kiribû ku vegerandina saziyên xwendina bilind li herêma Cezîrê ji bo rola xwe ya tevahî pêşanîyeke neteweyî ye ku nayê paşxistin, û tekezî li ser girîngiya xurtkirina aramiya akademîk û piştgirîkirina pêvajoya perwerdehiyê kir.

Ev daxuyaniya wî di dema serdana liqê Zanîngeha Firatê li Reqa de hatin kirin, li wir wî avakirina komîteyek wezaretî ya taybet ragihand da ku rêkarên yekbûna Zanîngeha Rojhilat bi şaxê Zanîngeha Firatê re bişopîne, di heman demê de mafên xwendekaran misoger bike.

Her weha Helebî pabendbûna wezaretê ya ji bo piştgiriya zanîngehan, dabînkirina karmendên pêwîst û misogerkirina hawîrdorek perwerdehiyê ya aram piştrast kir, û destnîşan kir ku bawernameyên derçûyên Zanîngeha El Şerq yên salên berê dê li gorî çarçoveyên yasayî yên derbasdar werin pejirandin.

Hêjayî gotinê ye ku Zanîngeha El Şerq girêdayî Rêveberiya Xweser ya Demokratîk ya Bakur û Rojhilatê Sûriyê bû ku navenda wê li bajarê Reqa bû.

PUKMEDIA