Sektora tenduristiyê ya Xaneqînê bi hewldanên fraksiyona YNKê ya li Bexdayê tên vejandin

PUKMEDIA

Sirwe Mihemed, biryardera fraksiyona Yekîtiya Niştimanî ya Kurdistanê

Di çarçoveya hewildanên xizmetguzariyê yên fraksiyona Yekîtiyê li Bexdayê de, projeya avakirina nexweşxaneyeke 100 textî li Xaneqînê dikeve qonaxa cîbicîkirinê, her wiha gelek pirsgirêkên teknîkî, kêmasiya derman û amûrên pizîşkî li nexweşxaneyên bajêr tên çareserkirin.

Sirwe Mihemed, biryardera fraksiyona Yekîtiya Niştimanî ya Kurdistanê li Encumena Nûneran a Îraqê ragihand: Di çend hefteyên borî de min razîbûna Wezîrê Tenduristiyê yê Îraqê wergirtiye ji bo vekirin û avakirina nexweşxaneyeke 100 sîsemî ji bo bajarê Xaneqînê.
Aşkire jî kir ku: Piştî têkiliyê bi Rêveberê Giştî yê Tenduristiya Diyalayê re, biryar hate dayîn û me karî di nava rojekê de amûrên şûştina gurçikan dabîn bikin. Niha welatiyên bajarê Xaneqînê dikarin ji bo çareserkirina pirsgirêkên gurçikan sûdê ji wê xizmetguzariyê werbigirin.

Got jî: Me ji Wezareta Tenduristiya Îraqê razîbûn wergirtiye ku komîteyeke taybet serdana navçeyê bike bi mebesta karkirina wan amûrên pizîşkî yên ku pirsgirêka koda têketinê (Username) heye. Bi vê yekê beşeke zêde ya pirsgirêkên nexweşxaneyên Xaneqînê dê were çareserkirin.
Sirwe Mihemed ragihand: Hewildanên me ji bo çareserkirina pirsgirêkên Xaneqînê berdewam dibin û di wê çarçoveyê de, di çend hefteyên bê de emê bi yekcarî pirsgirêka nebûn û kêmiya derman li bajarê Xaneqînê çareser bikin.

PUKMEDIA