Lîsta welatên herî hejar yên cîhanê

En Son Haber

Dêmenk hu zarokên hejar yên Afrîka Başûr

Li cîhanê, 700 milyon kes bi kêmtirî 2.15 dolarî rojane dijîn,li gorî Neteweyên Yekbûyî ji sala 2019an vir ve ji bo jiholêrakirina hejariyê hema hema çi pêşketinek çênebûye.

Hin deverên cîhanê bi birçîbûnê re têdikoşin ...

Li gorî raporek Banka Cîhanî ya ji bo sala 2024an, nêzîkî ji sedî 8.5ê nifûsa cîhanê di bin xeta hejariya ya tund de dijîn.

Li gorî amaran, nêzîkî 700 milyon mirov li seranserî cîhanê wekî "pir Hejar" têne dabeşkirin , ku neçar in rojane bi kêmtirî 2.15 dolarî ji bo her kesî debara xwe bikin.

Li cîhanê, nêzîkî milyarek mirov rojane bi 2.15 û 3.65 dolarî debara xwe dikin, lê nêzîkî nîvê nifûsa cîhanê rojane kêmtir ji 6.85 dolarî qezenc dike.

Ji aliyekî din ve, Rojhilatê Asya, Pasîfîk û Başûrê Asya wekî herêmên ku di nav 25 salên dawî de herî zêde xizanî lê kêm bûye, derdikevin pêş.

Li gorî raportek Neteweyên Yekbûyî, her çende hejarîya zêde ji sala 1990an heta 2019an bi lez kêm bibû jî, Vîrûsa Covid-19 û qetranên piştî wê bûn sedema zêdebûna herî mezin ya hejarîyê di dehsalên dawî de li çaraliyê cîhanê.

Ji sala 2019an vir ve di rakirina hejariyê de hema hema çi pêşketin çênebû

Nêzîkî nîvê nifûsa cîhanê, tevî piraniya mezin ya mirovên li Başûrê Asya û Afrîka li jêr astek refaha aborî dijîn ku li gelek welatên bi dahata navîn jor wekî hejar tê hejmartin.

Her çiqas tê texmînkirin ku heta sala 2030an dora %7.3ê nifûsa cîhanê dê di nav hejariyê de bijî jî, tê texmînkirin ku di vê heyamê de tenê 69 milyon kes dê ji hejariyê rizgar bibin.

Afrîka di serê vê lîstê de ye

Li gorî amarên platforma medyaya serhêl "Visual Capitalist ", ku li ser bingeha raporta Perspektîfa Aboriya Cîhanê ya heyva Nîsana 2025an a Fona Pereyan a Navneteweyî (IMF), dema ku hilberîna navxweyî ya giştî (Gross domestic product (GDP) wate (Berhema Navxweyî ya Giştî ya Serê Kesî) ya welatan tê nirxandin, welatên herî hejar yên cîhanê bi piranî li Afrîka Başûrê Biyabanê ne.

Lîsta Welatên Hejar yên Cîhanê

1-Sûdan ya Başûr bi (Gross domestic productya) ya serê nifûsê ya 251 dolarî di serê lîstê de ye.

2-Piştî wê welatê Rojhilata Navîn Yemen bi (Gross domestic productya) ya serê nifûsê ya 417 dolarî tê.

3-Burundî, ku li Rojhilatê Afrîka ye, bi (Gross domestic productya) serê nifûsê ya nêzîkî 490 dolarî di rêza sêyemîn de ye.

4-Komara Afrîka Navîn bi 532 dolarî di navnîşê de çaremîn e

5-Malawî bi 580 dolar.

6-Medgeşker bi 595 dolar.

7-Sûdan bi 625 dolar.

8-Mozambîk bi 663 dolar.

9-Komara Demokratîk ya Kongo bi 743 dolaran.

10-Nîjer bi 751 dolaran ku di rêza 10.emîn welatên herî hejar yên cîhanê de cih digirin.

PUKMEDIA