Nirxê petrolê 120 dolar derbas kir

PUKMEDIA

petrol

Bihayê petrol li bazarên cîhanê her ku diçe bilind dibe, bi vî rengî nirxê bermîleke petrola birênt  gihîşt 120 dolaran, ku ev ji sala 2022-an û vir ve asta herî bilind e. Sedema vê zêdebûnê jî vedigere bo berdewamiya rageşî û şerê di navbera Amerîka û Îranê de û girtina Tengava Hurmizê, lê belê piştre bihayê wê hinekî daket.

Di niha de bihayê petrola xav a Brênt bi rêjeya 1.5% bilind bû û gihîşt 119 dolar û 75 sentan, her wiha bihayê nefta xav a Têksasê gihîşt 107 dolar û 25 sentan.
Raport destnîşan dikin ku serokê Amerîkayê Donald Trump mijûlî amadekariya dorpêçeke deryayî ya demdirêje li dijî Îranê, ev yek jî bûye sedema tirsê li cem veberhêneran. Di heman demê de Îranê wekî bersiv Tengava Hurmizê girtiye, ku nêzîkî 20% ê nefta cîhanê di wir re derbas dibe, ev jî bûye sedema rawestana veguhastina enerjiyê.

Ji aliyekî din ve, Trump hewl dide hevalbendiyeke navdewletî ji bo vekirina tengavê ava bike, lê heta niha hevalbendên Amerîkayê sarbûn nîşan dane.

PUKMEDIA