Wezareta Bazirganî:Welatên hevsê daxwaza kirîna Genimê Îraqî dikin

Medya

Genim

Îro Yekşem rêkefta (03-05-2026) an Kompaniya Bazirganiya Dexil ya Wezareta Bazirganiyê ya Federal ragihand ku çend welatên hevsê ji Îraqê xwestine ku Genim ji wan re hinarede bike û tekez kir ku Îraqê qonaxa xweseriyê derbas kiriye.

Heyder Gerawî, Rêveberê Giştî yê Kompaniya Bazirganiya Dexil, ragihand ku,xwesteka niha ya hikûmetê ew e ku li şûna hinardekirinê, girîngiyê bide ser xweseriya di hilberîna Genim û dabînkirina yedega stratejîk.

Derbarê buhayê Genim de, wî aşkere kir ku dewlet dê tonek Genim ji cotkaran bi 850 Hezar Dînar bikire, di demekê de ku buhayê cîhanî di embaran de nêzîkî 200 Dolaran e jî, ev yek  jî hinardekirin bi wê bihayê ji aliyê aborî ve bi sûd nebe.

Gerawî tekez kir ku girîngiya sereke piştgirîkirina projeya (Ardê Sifir) ya berhema navxwe ye.

Derbarê xwesteka welatên hevsê ji bo hinardekirina Genimê Îraqî, Rêvberê Kompaniya Giştî ya Bazirganiya Dexil ragihand ku daxwaz ji welatên hevsê yên wekî Sûriye û Îranê heye, eger ji aliyê Civata Wezîran ve biryarek were dayîn ku Genim bi bihayê zêdetirî 400 Hezar Dînar serê ton were firotin.

Di dawiyê de,Heyder Gerawî, Rêveberê Giştî yê Kompaniya Bazirganiya Dexil tekez kir ku,siyaseta heyî di parastina ewlehiya xwarinê ya Îraqê de tevî şer û qeyaranên li herêmê de serkeftî bûye, ji ber vê yekê hebûna yedega stratejîk yê Genim rê li ber bilindbûna bihayên Ard girtiye, bi cûrekê buhayê Ard di 15 Hezar Dînaran de cêgir bûye,di demekê de ku,eger ev rêkar nebûya, buhayê wê dê bigihîşta 55 Hezar Dînaran, ev jî Îraq ji qeyrana sergirtin û bilindbûna buhayan parast.

PUKMEDIA