Amerîka projeya azadiyê li HormIzê radigihîne û Îran jî gefan dixwe

en.portnews.ru

Wêneyên keşt û firoke

Ji ber şerê di navbera Amerîka, Îsraîl û Îranê de, hatûçûna keştiyan di Tengava Hormizê de rawestiya. Heya niha rewşa Tengava Hormizê asayî nebûye û di niha de Amerîka bi armanca parastina azadiya hatûçûnê û silametiya keştiyên bazirganî di Tengavê de projeyek ragihandiye, hemwext Îranê jî ragihandiye ku her hatûçûneke aram divê bi hevahengiya hêzên wan be.

Fermandariya Navendî ya Amerîkayê (CENTCOM) ragihand: Ji îro ve hêzên wan dest bi cîbicîkirina "Projeya Azadiyê" dikin. Armanc ji vê projeyê parastina azadiya hatûçûnê û silametiya keştiyên bazirganî ye di tevgavê de ye. Di heman demê de, Elî Ebdullahî fermandarê bilind ê Baregeha Navendî ya Xatemul-Enbiya ragihand: Me berdewam ragihandiye ku ewlehiya Tengava Hormizê di bin kontrola hêzên Komara Îslamî ya Îranê de ye û di her rewşekê de, her hatûçûneke aram divê bi hevahengiya hêzên wan be.
Ev erk bi fermana Serokê Amerîkayê hatiye rêkxistin û armanc jê parastina keştiyên bazirganî ye. Ev tengav xwedî pêgeheke stratejîk e û Kendava Farisê bi Kendava Omanê ve girê dide.
Admîral Brad Cooper, Fermandarê CENTCOMê, ragihand: Piştgirîkirina wan ji bo vê erkê, ji bo ewlehiya herêmî ya navçeyê û aboriya cîhanî gelekî pêwîst e.

Hefteya borî, Wezareta Derve ya Amerîkayê pêngaveke nû ragihand: Bi hevkariya Wezareta Cengê (Pentagon), ji bo bihêzkirina hevahengî û parvekirina zanyariyan di navbera hevpeymanên navdewletî de ji bo piştgiriya ewlehiya deryayî di tengavê de.
Piştgiriya serbazî ya Amerîkayê ji bo "Projeya Azadiyê" pêk tê ji anîna çendîn moşekên zîrek, zêdetirî sed balafir, amûrên meydanî û dronan, û panzdeh hezar serbazan.


PUKMEDIA