Wezareta Plansaziyê zîreka destkird dike bingeha daraştina plansaziya neteweyî

PUKMEDIA

Teknolojiya AI

Wezareta Plansaziya Îraqê destpêkirina bernameyeke perwerdeyê ji bo karmendên wezaretê ragihand, da ku bikaribin teknolojiya zîreka çêkirî (AI) bi kar bînin. Wezaretê amaje bi wê yekê kir ku ev gav nexşerêyeke nû ye bo guhertin û pêşxistina karên wan.

Ebdulzehra El-Hindawî, Berdevkê Wezareta Plansaziya Îraqê, îro Duşemê 4ê Gulana 2026an ji Ajansa Nûçeyan a Îraqê re ragihand: Wezareta wan kar dike ku zîrekê destkird ji amûreke teknolojîk veguherîne stûneke bingehîn a karê plansaziyê, bi armanca misogerkirina biryar û plansaziyên hûrtir.

El-Hindawî amaje bi wê yekê jî kir ku Wezareta Plansaziyê komek rêkar û siyaset girtine ber, ji wan jî: Encamdana civînên teknîkî ligel nûnerên kompanyayên pispor ji bo amadekirin û destpêkirina bernameyên perwerdeyê yên taybet, da ku karmend bikaribin teknolojiya AI di karên hikûmetê de bi giştî bi kar bînin.
Her wiha zelal kir ku gava piştî vê, karkirine li ser bikaranîna AI di analîzkirina daneyan û biryardanê de.

Hevdem wezaretê giranî daye ser bikaranîna teknolojiyên AI ji bo proseya daxistina wan daneyên niştimanî yên berfireh ku di serjimêriya sala 2024an de hatine tomarkirin, û veguherandina wan bo nîşanderên hûr ku alîkar bin di amadekirina plansaziyên geşepêdanê û destnîşankirina pêşengiyên veberhênanê, paşê piştgirîkirina biryardanê bi encamên hûr ku ligelrola Wezareta Plansaziyê de bigonjin.


PUKMEDIA