Reuters:Amerîka û Îran ji rêkeftina ji bo bidawîkirina şer nêzîk in

Russia Today

Alên Amerîka û Îranê

Çavkaniyek Pakistanî ku di hewldanên aştiyê de beşdar e ji Reuters re ragihand ku Amerîka û Îran nêzîkî rêkeftinek ji bo bidawîkirina şer bûne, û raportek ji hêla Axios ve hatî weşandin piştrast dike,wê çavkaniyê got:Emê vê yekê pir zû yek alî bikin.

Amerîka û Îran nêzîkî îmzekirina rêkeftinekê ne ji bo bidawîanîna şer

Axios aşkere kir ku Amerîka û Îran nêzîkî îmzekirina reşnivîseke yek rûpelî bûne ji bo bidawîanîna şer û pevçûnan.

Her weha wê malperê li ser zarê berpirsên Amerîkî û du çavkaniyên din yên ku bi danûstandinan agahdar in, aşkere kiriye ku Koşka Spî bawer dike ku ew nêzîkî rêkeftinekê bi Îranê re li ser derbarê têgihîştina yek-rûpelî ye ji bo bidawîanîna şer û danîna çarçoveyek ji bo danûstandinên Etomî yên berfirehtir.

Amerîka hêvî dike ku Îran di nav 48 demjimêran de bersiva rêkeftineke bide

Her wiha got:Amerîka hêvî dike ku Îran di nav 48 demjimêran de bersiva xalên sereke yên rêkeftineke doibekî bide.

Biryara Amerîkî derbarê ragirtina "Projeya Azadiyê" li Tengava Hormuzê girêdayî pêşketina danûstandinan

Li gorî çavkaniyên wê malperê, biryara serokatiya Amerîkî ya derbarê rawestandina "Projeya Azadiyê" li Tengava Hormuzê bi pêşketina danûstandinan ve girêdayî ye.

Rêkeftin xwe dispêre pîlana 14 xalî ya Amerîka

Hêjayî gotinê ye ku, reşnivîs xwe dispêre pîlana 14 xalî ya Amerîka hatiye çêkirin, ku têde daxwaza rawestandina şer û pevçûnên li herêmê û destpêkirina heyameke danûstandinan ya 30 rojî li ser geştiyariya li Tengava Hurmuz û bernameya Etomî ya Îranê û egera rakirina dorpêçên Amerîka dike

Trumep:Eger Îranê pabendî rêkeftinê bibe şer dê bê rawestandin, berûvajiya wê ewê bi dijwarî bombebaran bikin

Ji aliyekî din ve Donald Trump Serokê Amerîka di daxuyaniyekê de ragihand ku eger hikûmeta Îranê pabendî rêkeftinê bibe şer dê were rawestandin, lê eger pabend nebe ewê bi dijwarî bombebaran bikin.

Çavkanî: Reuters + Axios

PUKMEDIA