Qubad Talebanî:Kurdistan ji herêmeke hawirdekar bû berhemhêner

Ragihandina Cîgirê Serok Wezêran

Civîna Qubad Talebanî digel Wezîra Çandinî û tîma wezaretê

Qubad Talebanî, Cîgirê Serokwezîr bi Bêgerd Talebanî, Wezîra Çandinî û Çavkaniyên Avê û tîma wezaretê û rêvebirên giştî yên wezaretê re civiya û bi hevre derbarê çawaniya pêşxistina kerta çandiniyê û çareserkirina pirsgirêka Genim ya cotkarên herêmê gotûbêj kirin.

Di civîna ku îro Çarşem rêkefta (06-05-2026)an li Hewlêrê birêve çû, Wezîra çandiniyê raportek derbarê kar û destkeftiyên wezaretê di kabîneya Nehem de pêşkêş kir ku berawir bi kabîneyên berê pir zêdetir xizmeta pêşxistina kerta çandiniyê kiriye.

Cîgirê Serokwezîr pîrozbahî li Wezîr kir ji bo xizmetên wan û hemû tîma Wezaretê û ragihand ku,bi sedema  hewldanên wan yên berdewam, Herêma Kurdistanê ji welatekî hawirdekar bûye herêmeke berhemhêner û berhemên çandiniyê ji bo bazarên Îraqê têne hinardekirin.

Her weha daxwaz jî kir ku, xwe ji bo sûdwergirtin ji teknolojiyên nû û zîrek yê destkir ji bo pêşxistina sektora çandiniyê amade bikin.

Derbarê çareserkirina pirsgirêka Genim ya cotkaran de, Qubad Talebanî ragihand ku,di gotûbêjan wan yên bi hikûmeta federal re, çareserkirina pirsgirêkên cotkaran dê bibe pêşîniyek daku mafên wan winda nebin û ew keda xwe ya dijwar di dema xwe de bistînin.

PUKMEDIA