Damezrênerekî AKP:Divê navê Tuncelî bibe Dêrsim

Ajansa T24 ya Turkî

Husên çelîk yek ji damezrênerên AKPê

Husên Çelik ku yek ji damezrînerên Partiya Dad û Geşepêdanê (AKP) û wezîrekî berê, xwest ku navê parêzgeha Tuncelî were guhertin û bibe Dêrsim.

 Çelik diyar kir ku tiştê ku îro divê were kirin eve ku rastiyên dîrokî di pirtûkên waneyan de werin bicihkirin, wekî ku lêborîna hatiye pêşkêşkirin tê xwestin, û navê Tuncelî were guhertin û bibe 'Dêrsim'.

Çelik got:Bîranîna tiştên li Dêrsimê rû dane, pesendkirina rastiyê û zindî hiştina bîra civakî ne tenê berpirsiyariyek li hember dema bûrî ye, lê di heman demê de pêdiviyek îradeya avakirina pêşerojek dadperwerane ya demokratîktir û bihêztir e.

Çelîk got:Bûyerên Dêrsimê, ku bi biryara "Operasyona Tepeserkirina Tuncelî di 4ê Gulana 1937an de dest pê kirin û heya dawiya sala 1938an berdewam kirin, serdemeke bi êş temsîl dikin ku di bîra gelê me de şopên kûr hiştine,tevî derbasbûna ewqas salan jî, êşa ku hatiye jiyîn hîna jî di wîjdanê gelê me de dimîne.

Her weha aşkere kir ku, dewleteke ku bi serweriya hiqûqê tê birêvebirin, ew dadperwerî ye ku ji rûbirûbûna bi dema bûrî xwe natirse,eer di demên berê de bi navê dewletê şaşî hatibin kirin,divê ev bi eşkere û rastgoyî wekî "şaşî" werin binavkirin; divê rastî bi hemû zelaliya xwe were eşkerekirin, û eger pêwîst be divê berpirsiyarî were girtin.

Çelîk tekez kir ku dema bûrî, Recep Teyîp Erdogan, Serokkomarê me û wekî Serokê AK Partiyê, di civîna koma meclîsê de derbarê karesata Dêrsimê de daxuyaniyek pir zelal û dîrokî dabû û gotibû:Eger pêwîst be ewê li ser navê dewletê ji bo bûyerên Dêrsimê lêborînê bixwazin,lewra ez lêborînê dixwazim û dubare ez lêborînê dixwazim.

Ragihand jî, tiştê ku îro divê were kirin ev e ku rastiyên dîrokî di pirtûkên waneyan de werin bicihkirin, wekî ku lêborîna hatî pêşkêşkirin hewce dike, navûdeng werin sererastkirin û navê Tuncelî dîsa were guhertin bo "Dêrsim.

Di dawiyê de Çelîk got:Bîranîna tiştên li Dêrsimê rû dabûn, qebûlkirina rastiyê û zindî hiştina bîra gelê me de, ku ew wek berpirsiyariyekê li hember dema bûrî ye, û di heman demê de pêdiviyek ji bo îradeya avakirina paşerojek dadperwerane, demokratîktir û bihêztir e.

PUKMEDIA