WHO:Metirsiya belavbûna Vîrusa Hanta sînordar e

Russia Today

Logoya WHO û Vîrûsa Hanta

Rêxistina Tenduristiyê ya Cîhanê (WHO) ragihand ku metirsiya belavbûna vîrusa Hanta, ku li ser keştiyek geştê li Okyanûsa Atlantîkê hate tomarkirin û jiyana sê rêwiyan girt, gelekî sînordare.

Berdevkê Rêxistina Tenduristiyê ya Cîhanê: Ev vîrus tenê ji bo kesê vegirtî metirsîdar e

Berdevkê Rêxistina Tenduristiyê ya Cîhanê (WHO) Christian Lindmeier li Cenevreyê ji rojnamevanan re got:Ev vîrusek metirsîdar e, lê tenê ji bo kesê vegirtî,metirsî ji bo raya giştî pir kêm dimîne.

Vîrusa Hanta gelek caran bi rêya mîz, feq yan jî tifê, tê veguhestin

Ev vîrusa Hanta bi gelemperî ji kêzikên vegirtî, pir caran bi rêya mîz, feq, an jî tifê, tê veguhestin,lê, pisporan piştrast kirine ku cureya Vîrusa Hanta ya li ser keştiyê hatibû dîtin, kêm e û dikare ji mirovekî bo mirovekî din were veguhestin.

Li gorî rêxistinê,du rêwiyên Holendî û jineke Alman canê xwe ji dest dan û sê kes jî roja Çarşemê li Cape Verde ji keştiyê daketin.

Rêxistina Tenduristiyê ya Cîhanê duh roja Înê di daxuyaniyekê de ragihand ku şeş haletên pêketina Vîrusa Hanta ji heşt haletên gumanbar hatine piştrast kirin, û destnîşan kir ku hemî enfeksiyon "ji guhertoya vîrusa Andes (ANDV) ne.

Çavkaniya belavbûna vîrusê hîn nayê zanîn, lê Rêxistina Tenduristiyê ya Cîhanê ragihand ku yekem pêketina beriya destpêkirina geştê di destpêka Nîsanê de hatiye tomar kirin, ji ber ku nîşaneyên nexweşiyê di 6ê Nîsanê de li ser rêwiyê yekem ê ku mir, ku Holandiyek 70 salî bû, xuya bûn heyama di navbera pêketina bi vîrusê û xuya kirina nîşanan de di navbera yek û şeş hefteyan de diguhere.

Wezareta tenduristiyê ya Arjantînê roja Pêncşemê ragihand ku tevî şopandina rêya bûyera yekem, ew nekarîne çavkaniya pêketinê diyar bikin.

Vîrusa Hanta li hindek deverên Arjantînê, bi taybetî li Çiyayên Andê belav e

Vîrusa Hanta li hindek deverên Arjantînê, bi taybetî li Çiyayên Andê, belav e, ku di salên dawî de salane herî kêm şêst bûyer lê hatine tomar kirin.

PUKMEDIA