Amerîka dosyayên nehênî derbarê tiştên firîner û hebûnên ezmanî belav kir

Wezareta Şer ya Amerîka

U.S. Department of War

Wezareta Şer ya Amerîka ji bo cara yekem zêdetirî 160 dosyayên veşartî yên li ser biyaniyên ne nas û hebûnên ezmanî belav kir.

Wezareta Şer ya Amerîka (Pentagon) di pêngaveke dîrokî û ji nişka ve de hejmarek dosyayên hestyar yên têkildarî objeyên firî yên ne nas û jiyana li derveyî zevî weşand.

Ev pêngav di demekê de tê ku Serokê Amerîka Donald Trump soz daye ku diyardeyên ne asayî eşkere bike.

Wezareta Şer ragihandiye ku agahî bi hevrêziya Koşka Spî, NASA, FBI û Dezgehên Hewalgiriyê hatine berhevkirin û dê li ser malperekê peyda bibin.

Belgeyan nivîsên axaftinên astronotan yên li ser dîtina tiştên ecêb li xwe digire, bo nimûne, mîsyona Apollo 12 behsa dîtina "tîrêjên ronahiyê" li valatiya esman kiriye, her wiha di mîsyona herî dawî ya heyvê, Apollo 17 de, keştîvanan ragihandin ku wan perçeyên geş yên ronahiyê dîtine ku li dora aso dizivirin, sê xalên ku di ezmanê heyvê de di sêgoşeyekê de hatine rêzkirin nîşan didin.

Wezareta Şer soz daye ku di hefteyên pêş de bi awayekî xuleyî belgeyên nehênî yên zêdetir ji raya giştî re eşkere bike.

Wezaretê amaje bi wê yekê kiriye ku,gelê Amerîkî niha dikare dosyayên nehênî yên hikûmeta federal ya UAP bi dest bixe ku behsa diyardeyên ne asayî yên nenaskirî kiriye,ku ew zaraveyeke nûjen in ji bo UFOyan ku "vîdyo, wêne, belge û çavkaniyên resen ên UAP yê yên herî dawî li xwe digire.

PUKMEDIA