Neteweyên Yekbûyî alîkariya xwarinê %50 ji bo Sûriyê kêm dike

Ajans

Dîmenek ji dabeşkirina alîkariyan li penaberên Sûrî

Bernameya Xwarinê ya Cîhanî ya ser bi Neteweyên Yekbûyî aşkere kir ku, ewê alîkariya xwarinê %50 ji bo  penaberên Sûriyê kêm bike.

Neteweyên Yekbûyî ragihand ku ewê alîkariya xwarinê ya awarte ji bo xelkê Sûriyê bi rêjeya %50 kêm bike û bernameya xwe ya alîkariya nan, ku ji bo bi mîlyonan  welatiyên Sûrî sûdmend bû, ji ber kêmbûna fînansmanê rawestîne.

Bernameya Xwarinê ya Cîhanî ya ser bi Neteweyên Yekbûyî îro di daxuyaniyekê de ragihand ku ew ne çare ku operasyonên xwe yên li Sûriyê bi awayekî berbiçav kêm bike ji ber kêmbûna fînansmanê, di nav de kêmkirina alîkariya xwarinê ya awarte.

Bernameya Xwarinê ya Cîhanî ya ku navenda wê li Roma ye di daxuyaniyekê de got ku ewê hejmara sûdmendên alîkariya awarte ji 1.3 mîlyon kesan kêm bike bo 650 hezar kesan.

Rêvebira Sûriyê ya Bernameya Xwarinê ya Cîhanî, Marianne Ward, got:Kêmkirina alîkariya WFP bi tenê ji ber kêmbûna fînansmanê ye, ne kêmbûna pêdiviyan e û got: Bernameyê destnîşan kir ku kêmbûna fînansmanê bandorê li penaberên Sûrî yên li welatên cîran yên wekî Urdun û Lubnanê jî dike.

Li gorî rêveberê herêmî yê bernameyê, Semîr Ebdel Caber, Malbatên herî bê parastin yên li herêmê bi bandorên kombûyî yên krîzên dirêj, lêçûnên zêde û kêmbûna alîkariyê re rû bi rû ne.

Bernameyê aşkere kir ku ji bo domandin û ji nû ve destpêkirina alîkariya heyî li Sûriyê, di şeş mehên bê de pêdivî bi 189 milyon dolaran heye.

PUKMEDIA