Partiyên Rojava:Divê 40 parlamenter nûneratiya Kurd li Sûriyê bikin

ANH

Kongreye Rojnamevanî ya aliyên siyasî

Îro Sêşem rêkefta (19-05-2026) an 24 partî û rêxistinên li Rojavayê Kurdistanê, hejmara nûnerên Rojava yên ji bo parlemana Suriyê hatine diyarkirin di hongreyek e rojanamevaniyê de li pêşiya avahiya Daîreya Karûbarên Derveya ya Rêveberiya Xweser red kir û diyar kirin ku nufusa Kurdan ji sedî 20 lewma pêwîste nûnerên Kurdan li parlemanê jî 40 parlementer bin.

Di daxuyaniyê de hat bibîrxistin ku  pêkhateyên Suriyê li bendê ne ku welatekî bi şirîkatiya rastîn were avakirin û ji bo vê yekê jî sûd ji ezmûna Rêveberiya Xweser ya Demokratîk ku nûnerayetiya hemû pêkhateyên li Rojavaya Kurdistanê û Bakur û Rojhilatê Sûriyê têde heye, bê girtin.

Her weha aşkere kirin ku,piştî hilweşandina rejîma Beis, rê vebûye ku yasa û projeyên nijadperest werin betalkirin Sûriyeyek nû were avakirin.

Partiyên Rojava gotin:Em ji rayagiştî re eşkere dikin ku kursiyên hatine dayîn nûnertiya vîna azad ya Kurdî nakin, çi aliyekî Kurdî xwediyê desthilatdarî û wekaleteke gelêrî nîne ku vê yekê pesend bike,ev yek xizmeta daxwazên gelê Kurd ji bo çespandina mafên xwe li Sûriyeyê nake.

Di dawiya daxuyaniyê de hat diyarkirinr ku partî û rêxistinên Kurdî wê têkoşîna xwe ya aştiyane û gelêrî, bi hevkariya hemû hêzên demokratîk yên Sûriyê ji bo sepandina şirîkatîyeke nîştimanî ya rastîn û destûreke nûjen ku mafên rewa yên gelê Kurd û hemû pêkhateyên Sûriyê li xwe bigire.

PUKMEDIA