Ermenistan çalakiyên xwe yên çandî li Silêmaniyê ferehtir dike

PUKMEDIA

Dr. Yûsif Goran û Konsolê Giştiyê Ermenistanê

Îro roja Sêşemê 19/5/2026`an li Navenda Lêkolînên giştî ya (YNKê) li bajarê Silêmaniyê (Dr. Yûsif Goran) pêşwazî li konsolê giştî yê Ermenistanê li Herêma Kurdistanê (Rafayel Movsesyan) kir û behsa pêwendiyên dîrokî di navbera herdu gelên dêrîn Kurd û Ermenan kirin.

Di rûniştina ku, Berpirsê Navenda Lêkolînên Stratejî Dr. Umêd Refîq jî amadebû, asoyên pêwendiyên navbera Herêma Kurdistanê û welatê Ermenistanê di pêşerojê de hat gotûbêj kirin.

Ji aliyê xwe ve konsolê Ermenistanê bal kişandiye ser giringiya pêwendiyên di navbera herdu gelan de, her weha biryare li bajarê Silêmaniyê çalakiyên çandî û perwerdeyî ferehtir bikin, di wê çarçoveyê de konsolê Ermenistanê pesna rola Cîgirê Serokwezîr Qubad Talebanî jî daye ji ber hewlên wî yên bi armanca pêşvebirina pêwendiyê du alî de.

Di dawiya hevdîtinê de konsolê Ermenistanê tekez kiriye ku ew dixwazin alûgora bazirganî û aborî di navbera Herêma Kurdistanê û Ermenistanê ji bo berjewendiya her aliyan were berferehtir kirin.

PUKMEDIA