Navendên dengdanê li Hesekê û Qamişlo û Kobaniyê hatin destnîşan kirin

Sana

Sindoqên Dengdanê

Komîteya Bilind a Hilbijartinan ya Sûriyê ji bo hilbijartinên Meclîsa Gel, navendên dengdanê ji bo navçeyên Hesekê, Qamişlo û Kobaniyê destnîşan dike.

Komîteya Bilind a Hilbijartinan a Meclîsa Gel ji bo hilbijartina endamên parlementoyê ji navçeyên Hesekê û Qamişlo yên li parêzgeha Hesekê û navçeya Kobaniyê ya ser bi parêzgeha Helebê navendên dengdanê destnîşan kiriye.

Di du biryarên ku îro, roja Înê hatine dayîn de, komîteyabilind ragihandiye ku her du navend li parêzgeha Hesekê ev in: Hola civînan li avahiya rêveberiya parêzgeha Hesekê ji bo navçeya Hesekê û navenda çandî ya kevin li Hesekê ji bo navçeya Qamişlo dibe.

Komîteyê destnîşan kir ku navenda çandî li Kobaniyê wekî navenda dengdanê ji bo navçeya Kobaniyê ya ser bi parêzgeha Helebê kar dike.

Hêjayî gotinê ye ku,  Çarşema borî, Komîteya Bilind a Hilbijartinan du biryar derxistin ku lîsteyên namzetên endametiyê di Meclîsa Gel de li navçeyên Hesekê, Dêrîkê û Qamişlo yên li parêzgeha Hesekê û navçeya Kobaniyê ya li parêzgeha Helebê dihewîne.

Her weha roja Sêşemê rêkefta (19-05-2026)an 24 partî û rêxistinên li Rojavayê Kurdistanê, hejmara nûnerên Rojava yên ji bo parlemana Suriyê hatine diyarkirin di kongireyeke rojanamevaniyê de li pêşiya avahiya Daîreya Karûbarên Derveya ya Rêveberiya Xweser red kir û diyar kirin ku nufusa Kurdan ji sedî 20 lewma pêwîste nûnerên Kurdan li parlemanê jî 40 parlementer bin.

PUKMEDIA