Ji ber Şewba Kolêra zêdetirî 70 kesan li Sûdanê canê xwe ji dest dan

Medya

Pêketiyên Şewba Kolêra li naxweşxaneyê

Ji ber qeyrana Kolêra bi dehan kesan li çend bajarên Sûdanê canê xwe ji dest dan û bi dehan jî tûşî wê nexweşiyê bûne.

Qeyrana kolêrayê li Sûdanê zêdetir dibe û 75 kesan canê xwe ji dest dan û 120 nexweşên ku li eyaleta Kordofana Rojava hatine tomarkirin, di nav hişyariyên belavbûna şewba Kolêra, xirabûna rewşa tenduristiyê û kêmbûna pêdiviyên bijîşkî de, xirabtir dibe.

Nivîsgeha Neteweyên Yekbûyî ya ji bo Hemaheniya Karûbarên Mirovî (OCHA) ragihand ku civaka alîkariyê li Sûdanê, di nav nebûna ewlehî û zehmetiyên gihîştinê de, ji bo kontrolkirina belavbûna nexweşiya Dengu, nexweşiya Meymûnan û gumanbariyên li ser haletên kolêrayê têdikoşe.

Ev pêşketin di demekê de tên ku qeyrana mirovî û tenduristiyê li Sûdanê xirabtir dibe, ji ber şerê berdewam ji Nîsana 2023an vir ve di navbera Artêşa Sûdan û Hêzên Piştgiriya Bilez de.

PUKMEDIA