Mihemed Baqir bi piraniya dengan wek serokê parlamena Îranê hat hilbijartin

arabic.euronews

Mihemed Baqir Qalîbaf, Serokê Parlamena Îranê

Mihemed Baqir Qalîbaf, Serokê Parlamena Îranê bi dengê piraniya parlamenteran, ji bo sala sêyem a li pey hev wek serokê Parlamena Îranê hate hilbijartin.

Ajansa Nûçeyan a Farsê belav kir ku sibêha îro Duşemê 25ê Gulana 2026an hilbijartina desteya serokatiya Civata Şûraya Îslamî ya Îranê (parlamen) birêve çû. Di vê hilbijartinê de Mihemed Baqir Qalîbaf ji bo sala sêyem a li pey hev wek serokê xula 12an a parlamenê hate diyarkirin.
Li gorî Ajansa Farsê, her sal di roja heftem a mehê Xurdad a Tavî de, salvegera damezirandina Parlamena Îranê ye û bi vê boneyê hilbijartin ji bo serokatî û komîteyên pispor ên parlamenê birêve diçe. Desteya serokatiyê ji 11 endaman û serokek, du cîgir, sê çavdêr û şeş sekreteran pêk tê.

Her wiha Parlamena Îranê 13 komîteyên taybetmendî hene. Her yek ji van lijneyan şeş endamanli xwe digre, yek serokatiya komîteyê dike û du yên din dibin cîgirên serokê komîteyê, her wiha berdevkek û du sekreterên wê dibin.
Endamên serokatiya Parlamena Îranê bi dengdana rasterast a hemû parlamenteran tên hilbijartin, lê serokatiya komîteyên taybet ên parlamenê ji aliyê endamên navxweyî yên lijneyan bixwe ve ji bo dema salekê tê hilbijartin.

PUKMEDIA