Pakistan:Em ji Amerîka û Îranê dixwazin ku xweragir bin

Ajans

Alayên Îran û Amerîkayê

Wezîrê Derve yê Pakistanê ragihand ku dirêjkirina şer û pevçûnê li Rojhilata Navîn xizmeta berjewendiyên kesî nake, piştî armancgirtina keştiyan ji aliyê Amerîka ve li peravên başûrê Îranê.

Wezîrê Derve yê Pakistanê Îshaq Dar di kongreyeke rojnamevaniyê ragihand ku me hewldanên dîplomatîk yên rastîn dane da ku çareseriyên mayînde ji bo qeyrana heyî hêsan bikin û got: Hewldanên navbeynkariyê berdewam dikin, û em ji hemî aliyan dixwazin ku xwe ragirin.

Wezîrê Derve yê Pakistanê Îshaq Dar tekez kir ku cîhan temaşe dike ku qeyrana li Rojhilata Navîn çareser bibe, û divê em biserkevin.

Daxuyaniyên Pakistanê piştî ku Supaya Pasdarên Şoreşa Îranê ragihand ku parastina wê ya esmanî tevlî çalakiya leşkerî ya Amerîkî bûye, hatin ku hişyarî da li ser her binpêkirina agirbestê ji aliyê Amerîka ve, û tekez kir ku mafê Îranê yê bersivdayînê heye.

Her wiha diyar kir ku wan droneke RQ-4 û firokeyeke şer ya F-35 ya Amerîkî xistiye xwarê.

Ji aliyê xwe ve Artêşa Amerîka got:Me li başûrê Îranê êrîş pêk anîne, cihên mûşekan li başûrê welêt armanc girtine, û her wiha êrîşî keştiyên nêzîkî Tengava Hormuzê kirine û tekez kir ku ew li rêya avê ya stratejîk mayînan diçandin.

Tengava Hormuzê hêmanek sereke ye di danûstandinan de, ji ber ku bi qasî %20ê bazirganiya petrolê ya cîhanê di nav wê re derbas dibe, û girtina wê ya beşî di hefteyên dawî de bûye sedema astengiyên giran di bazarên petrolê û sewqiyata deryayî de.

PUKMEDIA