Mamostayên Rojava: Divê zimanê kurdî di destûrê de were bicihkirin

ANHA

Zimanê Kurdî

Mamostayên bajarê Hesekê nerazîbûna xwe li hemberî biryara hikûmeta demkî ya Sûriyê nîşandan û dan zanîn ku ew qebûl nakin ku zimanê kurdî tenê du demjimêran bê xwendinê.

Her weha Mamostayan daxwazkirin ku divê zimanê  kurdî wek zimanê fermi di destûra bingehîn ya Sûriyê de li kêleka zimanê erebî were bicihkirin.

Di axaftinên xwe de mamostayan diyar kirin ku mersûma jimare 13ê ji bo mafên gelê Kurd gelekî kême û divê zimanê kurdî wek zimanekê fermi yê Sûriyê bê naskirin, her weha pêwîste xwendina bi zimanê dayîkê di nava programên xwendinê li dibîstanên Rojavayê Kurdistanê werin xwendin.

Mamosteyan daxwaz jî kirin ku mafê gelê kurd ne bi rêya mersûman belkû divê di destûra welat de were bi cih kirin û zimanê kurdî weke zimanê fermi yê duyemîn li Sûriyê were nasandin.

Hêjayî gotinê ye ku ev zêdetirî 12 salane li herêmên Rojava Kurdistanê bi hezaran xwendekarên kurd xwendina xwe bi zimanê kurdî wergirtine û bi hezaran jî derçûyên zanîngehên Rojava ne di hemû waran de û ew çaverêya çareseriyeke bingehînin.

PUKMEDIA