Trump ji bo rêkeftina digel Îranê sê merc ragihandin

AJANS

Donald Trump Serokê Amerîka

Serokê Amerîka sê mercên sereke wekî hîmê her peymaneke bi Îranê diyar kirine.

Li gorî rojnameya New York Times, di civîna Donald Trump ya digel şêwirmendên wî yên bilind, ji bo Îranê tenê pêşniyar hatine nirxandin û çi biryarek dawî ne hatiye dayîn.

Heman jêderê ragihandiye  ku yek ji rojeva civînê blokekirina pereyên Îran yên li Amerîka bû û heya niha çi peymanek li ser ne hatiye kirin.
Ji aliyê din ve Trump jî di rêya platforma “Truth Social” re, sê mercên sereke wekî hîmê her peymaneke bi Îranê diyar kirine.

Li gorî vê yekê Serokê Amerîka ragihand :

- Çênabe Îran bibe xwedî çeka etomî.

- Tengava Hurmuz bêyî bac were vekirin.

 -Divê Amerîka Uranyuma dewlemendkirî ya Îranê kontrol bike.

Tê gotin di civînê de çi encamek derneketiye, lê Amerîka derî li pêş danûstandinan ne girtiye.

PUKMEDIA