YNK BERIV YÛBÎLA DUYEMÎN VE DIMEŞE

PUKMEDIA

Dawûd Çîçek

Yekîtiya Nîştimanî ya Kurdistanê 51 saliya temenê xwe temam dike û bi hêzeke mezin û baweriyek xurt û erkên girantir ji bo kurdayetiyê û berjewendiyên netewî û nîştimanî meşa xwe didomîne.

Dema em behsa Yekîtiya Nîştimanî ya Kurdistanê dikin, rewanşad Mam Celal Talebanî tê bîra mirovan, ku di demekê de doza gelê Kurd li Başûrê Kurdistanê ber bi metirsiyê û tunebûnê ve diçû, bê bawerî zalbû bi ser îradeyê û çarenivîsa  gelê Kurd kete rewşên dijwar, rewanşad Serok Mam Celal Talebanî li Şamê paytexta Sûriyê çend hevalên xwe li dora xwe komkirin û di Hizêrana 1975`an de biryara ji nû ve destpêkirina şoreşê da û Yekîtiya Nîştimanî ya Kurdistanê YNKê avakirin.

Hîna salek bi ser avakirin wê derbas nebibû YNKê bi serokatiya Mam Celal Talebanî di sala 1976`an şoreşa nû ragihand û bi hezaran xurt û lawên Kurdistanê ji nû ve çek rakirin û dest bi şoreşa azadiyê kirin û li dijî rêjîma Beis ya Îraqê şer destpê kirin.

YNKê bi hezaran şehîd û rûbarek xwîn ji bo azadiya gelê kurd û mafê çarenivîsê rijand heta ku asoyek nû afirand û bû yek ji bihêztirînn hêza Kurdî li ser astê Îraqê û Rojhilata Navîn, eve jî nîşanderê siyaseta serkeftî û li dîplomasiyeta profîsonal ya rewanşad Serok Mam Celal vedigere.

Her weha cihê şanaziyê ye ku tevî hemû rewşên hevraz û nişûvî ku YNKê têra derbas bûn di van 51 salên derbasbûyî de, lê bi saya serkirdayetiya wê ya jîr û zana ku niha jî Serok Bafil Celal Talebanî rêbaz û siyaseta bavê xwe rewanşad Mam Celal peyrew dike, YNKê bi awayekî bihêz li qada Kurdistanî û Îraqî û Cîhanî serkeftin li dûv serkeftinê bi dest dixîne.

Di heman demê de YNKê dûr ji siyaseta kevneşopî ya partiyên din ên Kurdistanî dûr ji berjewendiyên hizbî xizmeta doza gelê kurd û Kurdistanê li parçeyên din ên Kurdistanê jî dike û piştevanê xebata wan a rewa dike.

Taybetmendiyek din a YNKê ewe ku dirûşm û armancên ku ji bo gelê xwe hildayî bi serokatiya Bafil Celal Talebanî tê cîbicîkirin ku tişta ji bo xwe dixwaze di heman demê de ji bo hemû gel û pêkhatên Kurdistanê dixwaze û bi awayekî dadwerane nêzîk hemû aliyekî dibe.

Îro jî Yekîtiya Nîştimanî ya Kurdistanê bi saya siyaseta hekîmane û jîrane ya Serok Bafil Celal Talebanî û serkirde û kadroyên YNKê, Kurdistan di rewşek aram de ye û hebûna YNKê misogeriya demokrasî û dadwerî û azadiya gelê Kurde ku, ji sala 2005`an û vir ve Serokomarê Îraqê Kurd e û ser bi Yekîtiya Nîştimanî ya Kurdistanê ye eve jî destkeftiyek mezin a kurd û Kurdistanê ye.

30/5/2026

PUKMEDIA